Մալիբեյլի :: ԱՐՑԱԽԻ ՏԵՂԱՆՈՒՆՆԵՐ

10 Հուշարձան

ԼՂՀ (Երկիր) / Քաշաթաղ (Շրջան) / Մալիբեյլի (Գյուղ)

Տեղադրություն

Քաշաթաղքից 1,5 կմ հարավ-արեւելք, Աղավնագետի աջ ափին փռված են XIX դարի կեսերից ի վեր քրդաբնակ Մալիբեկլու կամ Մալիբեյ գյուղի ցաք ու ցրիվ տները:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 153:

Նկարագրություն

Գյուղի պատմական անունը վերականգնելու միակ փորձն արել է գրող Ս. Խանզադյանը, բայց որը զուրկ է գիտական բավարար հիմնավորումից. «Մալիբեյ. «Քրդաբնակ փոքրիկ գյուղ Զաբուխ գետի ափին: Այստեղ մի կոտրված խաչքար գտա. - ԻՇԽԱՆՈՒԹԵԱՄԲ ՏԱՐՍԱԻՃԻ ՄԵԾԻ։ Նույն գյուղի տարրական դպրոցի զանգի գոտու վրա կարդացի. - ՉՀէ ՅՈՎՀԱՆ ՎՐՊՏ ՅԻՇԵՍՋԻՔ Ի ՔՍ(ՔՐԻՍՏՈՍ)։ Զանգը ձուլել է Հովհան վարպետ - պղնձագործը 1328 թվին։ Այս գյուղում մի վիշապագորգ տեսա, տակի եզրին գրած.– ԱՍԱՏՈՒՐ ԱՂԻՆ Ի ՎԱԵԼՈՒՄ, ՌԾԳ-1604։ Մալիբեյը Օրբելյանի ցուցակի Մուխուլն գյուղն է»։

Սերո Խանզադյան, Ի՞նչ են պատմում քարերը, «Սովետական Հայաստան» ամսագիր, 1984, N 6, էջ 24, 31։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 153:

Մալիբեյլիի հյուսիսային թաղը, որը տարածվում է Աղավնագետի հետ խառնվող Խնածախ վտակի ձախ կողմում, նախախորհրդային շրջանում համարվում էր առանձին գյուղ՝ Արըգլար անվամբ: Արդյո՞ք սա Օրբելյանի հիշատակած Արքո փոքրիկ գյուղն էր (6 դրամ հարկաչափով), դժվարանում ենք պնդել։

Ստեփանոս Օրբելյան, Սյունիքի պատմություն, Երեւան, 1986, էջ 399:
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 153:

Անվանում	Հիշ. ժամանակը	Ստուգաբանություն
Մախուլն
Մալիբեկլու
Մալիբեյ
Արըգլար