ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խոլոզանց 1600 — 1812 թթ․ Հուշարձան

ԼՂՀ (Երկիր) / Քարվաճառ (Շրջան) / Խոլոզանց (Գյուղ)

Տեղադրություն

Քարվաճառից 9 եւ 11 կմ հարավ, Տրտուի աջակողմյան փոքրիկ վտակների ափին, ձորերի մեջ, իրարից ընդամենը 2,2 կմ հեռու գտնվում են երկու գյուղատեղիներ, որոնք, վերջին շրջանում տրված թուրքական անվանումներից զատ, հայտնի են նաեւ իրենց պատմական՝ հայկական անվանումներով:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 54:

Պատմություն
1763 թ․

Խոլոզանց գյուղը հիշատակվում է Դադի վանքի 1763 թվականին կազմված կալվածացուցակում:

Ջամբռ համաժողովեցեալ եւ շարաղրեցեալ ի Սիմէօնէ կաթողիկոսէ Երեւանցւոյ, Վաղարշապատ, 1873, էջ 283։ Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 54-55:

Կառուցապատում

Երկու գյուղատեղիներն էլ խիտ կառուցապատում են ունեցել: Հայաթափ գյուղատեղիներում հաստատված խաշնարած քրդերը հարմարվել են արդեն գոյություն ունեցող գյուղի կառուցապատման առանձնահատկություններին եւ անգամ խորհրդային տարիներին այն գրեթե որեւէ փոփոխության չեն ենթարկել: Մինչեւ անգամ նոր կառուցված բնակարաններն էլ հին տների հիմքերի վրա են հաստատել:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 55:

Նկարագրություն

Ներկայում հայտնի է Խոլազեյ-Ալխասլի անունով, անկասկած պատմական Խոլոզանցն է, որն այս դեպքում խաշնարածների կողմից աղավաղվել է:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 54:

Անվանում	Հիշ. ժամանակը	Ստուգաբանություն
Խոլազեյ-Ալխասլի
Խոլոզյակ	1812 — 1920 թթ․
Խայուտցոկ	1812 — 1920 թթ․