ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Չաթախ Հուշարձան

Ադրբեջան (Երկիր) / Հյուսիսային Արցախ (Տարածք) / Թոուզ (Շրջան) / Չաթախ (Գյուղ)

Տեղադրություն

Գտնվում է շրջկենտրոնից 30 կմ հարավ՝ Ասրիկ գետի ձախ ափին, ծովի մակերևույթից 1350-1450 մ բարձրության վրա:

Սամվել Կարապետյան, Հյուսիսային Արցախ, Երեւան, 2004, էջ 300:

Պատմություն
1606 թ․

Չաթախը՝ որպես հայաբնակ գյուղ, հիշվում է Դավիթ եպիսկոպոս Գեղամեցու հեղինակած չափածո հիշատակարանում, ըստ որի՝ թուրքերի դեմ Շահ-Աբաս Ա-ի տարած հաղթանակների և 1606 թ. սկսված սովի միջև ընկած ժամանակահատվածում չաթախցիները լքել են իրենց բնօրրանը և բնակություն հաստատել ներկայիս Գետաբեկի շրջանի Մեծ Ղարամուրատ գյուղում.
«...Երբ Օմարաց ազգն հատան,
Սոքա Չաթախ գեղն թողան,
Մեծ Ղարամուրատըն դարձան,
Ներքին շէնըն մընաց ու[ն]այն...»:

«ԺԷ դարի հայերեն ձեռագրերի հիշատակարաններ» հատոր Ա, կազմեցին` Հակոբյան Վ., Հովհաննիսյան Ա., Երեւան, 1974, էջ 368:
Սամվել Կարապետյան, Հյուսիսային Արցախ, Երևան, 2004, էջ 300: