ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Բոլչալու 1 Հուշարձան

Ադրբեջան (Երկիր) / Հյուսիսային Արցախ (Տարածք) / Խանլար (Շրջան) / Բոլչալու (Գյուղ)

Տեղադրություն

Գտնվում է շրջկենտրոնից 12 կմ հյուսիս-արևմուտք Գանձակ քաղաքից 5 կմ արևմուտք, ծովի մակերևույթից 450-520 մ բարձրության վրա:

Սամվել Կարապետյան, Հյուսիսային Արցախ, Երեւան, 2004, էջ 318:

Պատմություն
19 դ․

Հայաթափ է եղել ԺԷ-ԺԸ դարերում: Հայտնի է, որ ԺԹ դարավերջին Բոլչալին գտնվել է թուրք կալվածատերեր Մահմեդ աղա Աբուլ-բեկ օղլիի, Սոյուն աղա Նովրուզ-աղա օղլիի և Վալի-բեկի իրավասության ներքո:

Հայաստանի ազգային արխիվ, ֆ. 93, ց. 1, գ. 388, թ. 37-38:
Սամվել Կարապետյան, Հյուսիսային Արցախ, Երևան, 2004, էջ 318:

Հուշարձաններ

Հնագիտական հուշարձաններ. գյուղի տարածքում՝ Արթինաջուր գետի ափամերձ Փաշա-թափա կոչված բլրի շրջանում, հնագետ Է. Ռյոսլերը 1899 թ. պեղել է 5 դամբարան: Հայտնաբերված գտածոները վկայում են, որ դրանք վերաբերում են բրոնզ-երկաթ անցումային դարաշրջաններին:

Реслер Э., Археологическия изыскания в Закавказье, “Кавказ'', Тифлис, 1903, N 179, с. 2.
Սամվել Կարապետյան, Հյուսիսային Արցախ, Երևան, 2004, էջ 318:

Գետիշինագետի հովտում և Կուրի ափամերձ հարթավայրերում ցրված ու մի շարք ձմեռոցներում հանգրվան գտած թուրք խաշնարած բոլչալու ցեղախմբերի թվաքանակի վիճակագրությունը ներկայացնում է հետևյալ պատկերը.

Թվական	Թուրք տուն	Թուրք արական	Թուրք իգական	Թուրք ընդամենը	Նշումներ	Աղբյուր
1886	149	656	500	1156		“Елисаветопольская губерния. свод статистических данных, извлеченных из посемейных списков населения Кавказа”, Тифлис, 1888, с. 78-79. Սամվել Կարապետյան, Հյուսիսային Արցախ, Երևան, 2004, էջ 318:
1914				2650		”Кавказский календарь на 1915 г.”, Тифлис, 1914, с. 101. Սամվել Կարապետյան, Հյուսիսային Արցախ, Երևան, 2004, էջ 318:
1977				2075		«Ադրբեջանական սովետական հանրագիտարան», հ. 2, Բաքու, 1978, էջ 241: Սամվել Կարապետյան, Հյուսիսային Արցախ, Երևան, 2004, էջ 318: