Սբ. Հովհաննես Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Հովհաննես Եկեղեցի 17 դ․

ԼՂՀ / Հադրութ / Թաղոտ

Տեղադրություն

Գտնվում է գյուղի հյուսիսային եզրին (N 39.34՛26.93՛՛, E 046.57՛44.26՛՛; ծ. մ.՝ 835 մ):

Էմմա Աբրահամյան, Թաղոտ գյուղի պատմական հուշարձանները, «Վարձք», 2021, N 15, էջ 61:

Պատմություն

Կառուցման ստույգ տարեթիվը հայտնի չէ: Գրավոր աղբյուրներում հիշվում է տակավին 1841 թ.-ից:

Էմմա Աբրահամյան, Թաղոտ գյուղի պատմական հուշարձանները, «Վարձք», 2021, N 15, էջ 61:

Ճարտարապետություն

Ունի միանավ բազիլիկ հորինվածք (արտաքին չափերն են՝ 13,98 x 8,0 մ): Երկլանջ ծածկի ներքո առնված տանիքը հենված է հյուսիսային և հարավային պատերին: Արևելյան կողմում կիսաշրջան եզրագծով խորանն է՝ կից ավանդատներով: Ավանդական տեղում է մկրտության խորշը՝ ավազանով հանդերձ: Մուտքը բացված է հարավից: Լուսավորությունն ապահովում են 6 լուսամուտները, որոնցից 3-ը բացված են արևելյան, 1-ական՝ մյուս ճակատներից: Կառուցված է անմշակ, կիսամշակ և սրբատաշ քարով կրաշաղախի համակցությամբ: Վերջինս կիրառված է կառույցի առավել պատասխանատու հատվածներում (մուտքի և լուսամուտների եզրաքարեր, անկյունաքարեր, որմնակամար): Հարավային ճակատին ագուցված է նվիրատվական բնույթի արձանագրություն, իսկ նույն պատի մոտ պահպանված երկու տապանաքարերից մեկը կերտվել է գյուղի ծխատեր քահանայի՝ տեր Մելիքսեթի որդու՝ տեր Գասպարի հիշատակին:

Էմմա Աբրահամյան, Թաղոտ գյուղի պատմական հուշարձանները, «Վարձք», 2021, N 15, էջ 61:

Քահանա

Թաղոտում քահանայագործած հոգևոր հովիվներից հայտնի են նաև Մելիքսեթ Տեր-Հարությունյան Մովսես-Վարդանյանցի (1817-1844), Հակոբ Արզումանբեկյան-Ղազարբեկյանցի (1848-1893) և Մովսես Ղազարբեկյանցի (1909-1910) անունները:

Թօփճեան Յ., Ցուցակ ժողովածուաց Դադեան Խաչիկ վարդապետի, մասն Բ, Վաղարշապատ, 1900, էջ 21, 23: Նաև՝ Հայաստանի ազգային դիվան, ֆ. 56, ց. 12, գ. 531, 532, 533:
Վավերագրեր հայ եկեղեցու պատմութեան, գիրք Թ, էջ 165, 207: Նաև՝ Հայաստանի ազգային դիվան, ֆ. 56, ց. 18, գ. 542; ց. 1, գ. 8889, թ. 157 շրջ.-158; ֆ. 93, ց. 1, գ. 384, թ. 449 շրջ.-450 (1893 թ. հիշվում է հանգուցյալ):
Հայաստանի ազգային դիվան, ֆ. 56, ց. 18, գ. 764, թ. 260-261; ց. 1, գ. 11608, թ. 360 շրջ.; ֆ. 57, ց. 3, գ. 44, թ. 71-72:
Էմմա Աբրահամյան, Թաղոտ գյուղի պատմական հուշարձանները, «Վարձք», 2021, N 15, էջ 61:

Արձանագրություն, Հայերեն, Փորագիր, Հիշատակագրություն 1886 թ․

Արձանագիր քար. Սբ. Հովհաննես եկեղեցու հարավային ճակատին՝ մուտքից վեր, 4 տող.

Հիշատակ է այս ... ընծա(յ)|եց Սուրբ Հովհաննէս եկեղեցի Թաղոդ գեղջ. | Յովակիմի Անդոնե(ա)ն Կարապետեանց, | 1886:

Էմմա Աբրահամյան, Թաղոտ գյուղի պատմական հուշարձանները, «Վարձք», 2021, N 15, էջ 61:

Հեղինակը Սամվել Կարապետյան

Տեսակը Լուսանկար
Հեղինակը Սասուն Դանիելյան
Տարեթիվ 2016 թ․

Հեղինակը Սասուն Դանիելյան
Տարեթիվ 2016 թ․

Հեղինակը Սամվել Կարապետյան
Տարեթիվ 2001 թ․

Տեսակը Չափագրություն
Հեղինակը Սամվել Կարապետյան
Տարեթիվ 2001 թ․