Սբ. Գևորգ Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գևորգ Եկեղեցի

Ադրբեջան / Հյուսիսային Արցախ / Շամխոր / Դաշբուլաղ

Ճարտարապետություն

Հուսկան նահատակ վանքի գլխավոր կառույցը Սբ. Գևորգ եկեղեցին է: Արտաքին չափերն են՝ 14 x 7,95 մ: Միանավ հորինվածքով թաղածածկ շինություն է: Աղոթասրահի մեկ զույգ որմնասյուների վրա հենված թաղակապ ծածկն առնված է երկթեք տանիքի տակ: Ավանդատներ չունի: Խորանի և եկեղեցու բոլոր պատերի մեջ բացված են խորշեր: Միակ մուտքը հարավից է: Լուսավորությունն իրականացված է չորս ճակատներից բացված պատուհանների միջոցով: Հիմնականում կառուցված է անմշակ քարով, կրաշաղախով: Սրբատաշ են միայն անկյունաքարերը: Ի դեպ, պատերը բավականին հաստ են՝ 123 սմ, որը բնորոշ է տարածաշրջանի ուշ միջնադարյան պաշտամունքային այլ կառույցներին ևս: Ներքուստ սվաղված է: Կառույցն առանձնահատուկ է պատերի մեջ արտաքուստ ագուցված բազմաթիվ խաչքարերով, տապանաքարերով և դրանց բեկորներով, որոնք ոճական և գեղարվեստական առումով վերաբերում են ԺԶ-ԺԷ դարերին: Կատարված նորոգումների հետքերն ակնհայտ են:

«Նոր-Դար», 1893, N 133, էջ 2:
Սամվել Կարապետյան, Հյուսիսային Արցախ, Երեւան, 2004, էջ 489-490:

Արձանագրություն, Հայերեն, Փորագիր, Հիշատակագրություն 1882 թ․

Եկեղեցու հարավային ճակատին՝ 2 տող.
1882. Մկրտիչ | Մարինեանց:
Հրատ. Կարապետյան Ս., Գարդմանաց աշխարհի վանքերը. Հուսկան նահատակ, էջ 9:

Սամվել Կարապետյան, Հյուսիսային Արցախ, Երևան, 2004, էջ 491:

Արձանագրություն, Հայերեն, Փորագիր, Հիշատակագրություն 1886 թ․

Արձանագրություն. եկեղեցում, մի բեկորի վրա՝
1886. Գէորգ | Բոզեանց, | շոլաւորցի:
Հրատ. Կարապետյան Ս., Գարդմանաց աշխարհի վանքերը. Հուսկան նահատակ, էջ 9:

Սամվել Կարապետյան, Հյուսիսային Արցախ, Երևան, 2004, էջ 491:

Արձանագրություն, Հայերեն, Փորագիր, Հիշատակագրություն 1902 թ․