Դպրոց :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Դպրոց

ԼՂՀ / Շահումյան / Ներքիշեն

Պատմություն

1860-70-ական թվականներին Ներքիշենում գործում էր նախակրթարան՝ 1 ուսուցչով և 21 աշակերտով:

Հարությունյան Գ., Ժողովրդական կրթության զարգացումը Լեռնային Ղարաբաղում, Երևան, 1985, էջ 20:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 171:

1873 թ. ուներ 31 աշակերտ:

Խուդոյան Ս., Արևելահայ դպրոցները 1830-1920 թթ., Երևան, 1987, էջ 369:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 171:

1874/75 ուստարում դպրոցում ուսանում էր 21 սան, ուսուցիչն էր ներքիշենցի Առուստամ Մախայանը:

Հայաստանի ազգային դիվան, ֆ. 56, ց. 3, գ. 52, թ. 18: Տե՛ս նաև Վավերագրեր հայ եկեղեցու պատմության, գիրք ԺԹ, էջ 163:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 171:

Ըստ Մարո Բաղդասարյանի՝ նախախորհրդային տարիներին գործող դպրոցի առաջին աշակերտուհիներից էին նրա մայրը՝ Մամուռը, Միրաբանաց Սիրանուշը, Ժմհարանց Աշխենիկը և ևս մի աղջիկ. «Աշակերտները նստում էին երեք շարքերով՝ առաջինում՝ առաջին դասարանցիները, երկրորդում՝ երկրորդ, երրորդում՝ երրորդ դասարանցիները: Աշակերտներին “մոնթ” էին ասում: Դասավանդում էին հայոց լեզու, կրոն, մաթեմատիկա և ռուսերեն: Դպրոցը բացվել է 1890-ական թվականներին, բայց հետագայում եղել են ընդհատումներ: Տեղավորված է եղել Ղահրամանց տանը: Գյուղի հին ուսուցիչներից պատկառանքով հիշվում են Եղիշ վարժապետն ու նրա կինը՝ Փառանձեմը»:

Ղահրամանյան Կ., Օջախի գիրք. հողը կանչում է, հ. Բ, Երևան, 2005, էջ 365-366:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 171:

Դպրոցում դասավանդում էր նաև Արշակ վարժապետ Խաչատրյանը: Ի դեպ, նա Եղիշ վարժապետի հետ միասին շարունակել է մանկավարժական գործունեությունը նաև խորհրդային տարիներին և պարգևատրվել Լենինի շքանշանով: