Գավիթ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գավիթ 19 դ․

Ադրբեջան / Հյուսիսային Արցախ / Շամխոր / Գառնակեր

Ճարտարապետություն
1980 թ․

1980-ական թվականներին գավիթը կիսավեր վիճակում էր. պատերը պահպանվել էին 1,5 մ բարձրությամբ: Միակ մուտքը հարավային ճակատից էր: Նույն կողմից նկատվում էին նաև երկու լուսամուտի հետքեր:

Սամվել Կարապետյան, Հյուսիսային Արցախ, Երեւան, 2004, էջ 480-481:

Պատմություն
19 դ․

Հայտնի է, որ գավիթը կառուցվել է հնի տեղում ԺԹ դ. վերջին քառորդում Հովսեփ քահանա Բալյանցի նախաձեռնությամբ. «Մենաստանս ունեցած է և փայտաշէն գաւիթ, որը հնութեան պատճառաւ քանդած են գառնակերցիք յորդորմամբ նոյն Յովսէփ քահանային, այժմ շինում են նորը. որի պատերը քարուկիր են, իսկ ծածկն փայտաշէն (գի փայտով): Գաւթումս կայ երկու գերեզման, տեղացիք աւանդաբար ճգնաւորների գերեզման են անուանում. տապանաքարերն անտաշ են և անարձանագիր»:

Բարխուտարեանց Մ., Արցախ, Բագու, 1895, էջ 316:
Ե. Լալայանի այցելության ժամանակ գավթի կառուցումն ավարտվել էր (Լալայեան Ե., Գանձակի գաւառ, «Ազգագրական հանդէս», Թիֆլիս, 1899, N 1, էջ 343):
Սամվել Կարապետյան, Հյուսիսային Արցախ, Երևան, 2004, էջ 481: