Հանք :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հանք

ԼՂՀ / Շահումյան / Վերիշեն

Պատմություն

Հանքավայրեր. հայտնի է, որ Վերիշենի մոտ գտնվող բավական հարուստ գիպսի հանքը սկսել է շահագործվել Գյուլիստանի նույնպիսի հանքում աշխատանքների դադարեցումից հետո: Ըստ ամենայնի` այն ևս պատկանում էր Մելիք-Բեգլարյաններին:

«Հորիզոն», 1912, N 121, 8 յունիսի, էջ 3:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 196:

2007 թ. նշվել է. «...Վերին Շենի գիպսի հանքը սեփականաշնորհված է արդեն, իսկ արդյունահանումը կատարվում է հենց գյուղամիջից»:

Նաբաթյան Բ., Մեր շրջանի օգտակար հանածոները, «Մռավի ղողանջներ», 2008, N 11, նոյեմբեր, էջ 2:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 196:

Կոպալի հանքը գտնվում էր գյուղի մոտ՝ Քար աղբյուրի մերձակայքում. «Անցյալ դարի կեսին պրիմիտիվ եղանակով շահագործել են այն: Հիմնարկը գտնվում էր Բաքվում, բայց տեղում աշխատանքները կազմակերպում էր Հախունց Սերգեյը...: Կապալը փայլուն նյութ էր: Երբ վառում էին, շատ դուրեկան հոտ էր գալիս»:

Նաբաթյան Բ., Մեր շրջանի օգտակար հանածոները, «Մռավի ղողանջներ», 2008, N 11, նոյեմբեր, էջ 2:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 196: