Փառքի (ՀՄՊԶ) Հուշարձան :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Փառքի (ՀՄՊԶ) Հուշարձան 1985 թ․

ԼՂՀ / Շահումյան / Վերիշեն

Պատմություն

Գերեզմանոցի բլրալանջի ստորոտում 1985 թ. (Մեծ հաղթանակի 30-ամյակի կապակցությամբ) վերիշենցիները կառուցում են Մեծ հայրենականում (մասնակցել է 667 հոգի) զոհված կամ անհետ կորած 241 համագյուղացիների հիշատակը հավերժացնող հուշարձան: Այն ուներ 18 մետր բարձրություն. «Առաջին հարկը երևանյան բազալտով էր կառուցված, որտեղ 3 ընդարձակ սենյակները թանգարանի էին վերածվել: Փակցված էին զոհվածների ու անհայտ կորածների նկարները: Կոթողի վերին մասը կառուցված էր երևանյան վարդագույն տուֆով: Իսկ ամենաբարձր մասում սև տուֆից խաչի պատկեր էր: Շուրջը ծառեր ու ծաղիկներ աճեցվեցին: Երևանաբնակ Մինաս Շահնազարյանն իր միջոցներով ջրավազան կառուցեց 241 շատրվաններով»:

Ղալաչյան Կ., Փառքի հուշարձաններ, Երևան, 1986, լուս. 546: Տե՛ս նաև Ղահրամանյան Կ., Օջախի գիրք. հողը կանչում է, հ. Բ, Երևան, 2005, էջ 450-457:
Զարգարյան Ռ., Այսպիսի վրեժխնդրություն..., «Մռավի ղողանջներ», 2006, N 9, սեպտեմբեր, էջ 2: Ի դեպ, կուսշրջկոմի քարտուղար Հ. Պետրոսյանի պահանջով խաչը պետք է վերացվեր: Վերիշենցիները դրա լուծումը գտան. Երևանում պատրաստվեց պղնձակոփ զարդանախշ, և դրանով երեսապատվեց խաչը:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 202-203:

Հեղինակը Սամվել Կարապետյան
Տարեթիվ 1987 թ․