Դպրոց :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Դպրոց

ԼՂՀ / Հադրութ / Հակակու

Պատմություն

Ամենայն հավանականությամբ, փոքրաթիվ բնակչությամբ գյուղը նախախորհրդային տարիներին կրթօջախ չի ունեցել: Կարծում ենք, որ հակակուեցի դպրոցահասակ երեխաներն ուսումնառել են մոտակա Թաղուտ գյուղում: Դպրոցի գործունեության վերաբերյալ մեզ հայտնի տեղեկությունները սկսվում են 1987-1990 թթ.-ից, երբ գործում էր 22 աշակերտով և ուներ 9 ուսուցիչ: Արցախյան առաջին ազատամարտի տարիներին որոշ ժամանակով փակվել է և վերաբացվել 1993 թ.: 2004-2010 թթ. ուներ 32 աշակերտ, ընդ որում, 2005-2007 թթ. ընթացքում կառուցվել է Հակակուի դպրոցի նոր շենքը: 1990-2016 թթ. կրթօջախը գործել է նախ Ս. Բախշյանի, ապա Գ. Շադյանի, որից հետո Ն. Հայրիյանի տնօրինությամբ: Նշենք, որ դպրոցը վերանորոգվել է 2009 թ.:

Ավանեսյան Ար., Հարությունյան Գր., Լեռնային Ղարաբաղի Հանրապետության կրթական համակարգը (1991-2016 թթ.), հ. 3, Ստեփանակերտ, 2017, էջ 64, 578:
Աբրահամյան Է., Հակակու, «Վարձք», N 19, Երևան, 2024, էջ 24-25: