Խաչքար :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խաչքար 1613 թ․

Ադրբեջան / Հյուսիսային Արցախ / Շամխոր / Բադա

Արձանագրություն, Հայերեն, Փորագիր, Հիշատակագրություն 1613 թ․

Խաչքար. ունեցել է 177 x 71 սմ չափեր.
Սուրբ խաչս Գիւլաբին և իւր կողակցին Պալին, կանգնեցի սուրբ խաչս. ես Բաղդասարս և Միրզէս կազմեցինք սուրբ խաչս թվ. ՌԿԲ (1613):
Հրատ. Քաջբերունի, Բադա գիւղի աւերումը, «Արարատ», 1910, էջ 231:
Ծանոթ. վիմագիրն առաջինը ընթերցել է Ս. Քամալյանը 1890 թ. (Եղիշե Չարենցի անվան գրականության և արվեստի թանգարան, Ս. Քամալյանի ֆ., տետր 1, VI-11, թ. 5): Հայտնի է, որ Միրզա կազմողը 1628 թ. մի գեղաքանդակ խաչքար է կանգնեցրել նաև ՀՀ Գեղարքունիքի մարզի Ծովակ գյուղի հին գերեզմանոցում (Բարխուդարյան Ս., Միջնադարյան հայ ճարտարապետներ և քարագործ վարպետներ, Երևան, 1963, էջ 175, 195), իսկ Բաղդասար անունով կազմող է հիշվում Աղքիլիսայի (ՀՀ Գեղարքունիքի մարզի Վարդենիսի ենթաշրջ., Ազատ գ.) 1658 թ. խաչքարի արձանագրության մեջ (Բարխուդարյան Ս., Միջնադարյան հայ ճարտարապետներ և քարագործ վարպետներ, Երևան, 1963, էջ 178, 196):