Ծծեր Աղբյուր :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ծծեր Աղբյուր

Ադրբեջան / Հյուսիսային Արցախ / Շամխոր / Նուկզար

Տեղադրություն

Սբ. Ամենափրկիչ վանքից 0,5 կմ հյուսիս-արևելք՝ ձորի մեջ, գտնվում է մի ապառաժ ժայռ, որի «ստորին մասն ձևացած է ինչպէս քարայր»:

Բարխուտարեանց Մ., Արցախ, Բագու, 1895, էջ 295: \
Սամվել Կարապետյան, Հյուսիսային Արցախ, Երևան, 2004, էջ 504:

Պատմություն

Առաստաղից կախված շթաքարերից կաթկթացող ջուրը լցվում է բնական քարե ավազանի մեջ: Հայտնի է «Ծծեր» անվամբ և սրբացվել է տեղացիների կողմից. «Ծծեր կոչւում է այս աղբիւրը ժողովրդից, որովհետև քարը, որից կաթկաթում է ջուրը, կրային բաղադրութիւնից գոյացած ունի ծայրեր, որոնք նմանում են ծծերի պտուկների. քարի այդ հազուադէպ նմանութիւնն աղբիւրին տուել է մի տեսակ նուիրական նշանակութիւն և դարձրել է ուխտի առարկայ»:

«Արձագանք», 1886, N 21, էջ 307:
Տե՛ս նաև Կարապետյան Ս., Մի Նոր տարի՝ Շամքորի ձորում (ճամփորդական հուշեր), «Գարդմանք», 1996, N 3, էջ 13:
Սամվել Կարապետյան, Հյուսիսային Արցախ, Երևան, 2004, էջ 504:

Աղբյուրի մոտ պահպանվել են 3-4 պարզ խաչքարեր: