Տեր Մեսրոպ քահանա Տեր Գրիգորյանցի Տուն :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տեր Մեսրոպ քահանա Տեր Գրիգորյանցի Տուն 1889 թ․

Ադրբեջան / Հյուսիսային Արցախ / Խանլար / Գետաշեն

Տեղադրություն

Տեր Մեսրոպ քահանա Տեր-Գրիգորյանցի տունը գտնվում է Սբ. Աստվածածին եկեղեցու մոտ՝ արևելյան կողմում:

Սամվել Կարապետյան, Հյուսիսային Արցախ, Երեւան, 2004, էջ 344:

Պատմություն
1980 թ․

Ուշագրավ է, որ այս տունը, ինչպես 1980-ական թվականներին, այնպես էլ դեռ ԺԹ դարում աչքի ընկնող կառույցներից էր. «Շինութիւնների մէջ նշանավոր է Տեր-Գրիգորեանի քառայարկ, գեղեցիկ տունը և Մելիք-Մնացականեանների նախկին մելիքական ապարանքը»:

Լալայեան Ե., Գանձակի գաւառ, «Ազգագրական հանդէս», Թիֆլիս, 1899, N 1, էջ 110:
Սամվել Կարապետյան, Հյուսիսային Արցախ, Երևան, 2004, էջ 344:

1911 թ․

Ի դեպ, Տեր Մեսրոպի տան կառուցման վերաբերյալ պահպանվել են արխիվային հետաքրքիր վավերագրեր: Արդեն տան կառուցվելուց հետո՝ 1911 թ. համագյուղացիները քահանայի նոր ձեռնարկումները կանխելու նպատակով բողոքել են հոգևոր կառավարությանը, թե «...Մեսրովբ քահանայ տէր Գրիգորեանցը գրաւել է բաւականաչափ տեղ և իւր շինութեանը հետ միացնելով շէնքս է կանգնացնում»: Նշել են, որ հողատարածքը եկեղեցապատկան էր և քահանան իրավունք չունի այն սեփականելու: Տեր Մեսրոպն էլ իր բացատրականում պատճառաբանել էր, որ տարածքը, ուր տուն էր կառուցել, ոչ թե եկեղեցու, այլ իր պապական հողն է եղել:

Հայաստանի ազգային արխիվ, ֆ. 53, ց. 1 գ. 3436, թ. 4:
Սամվել Կարապետյան, Հյուսիսային Արցախ, Երևան, 2004, էջ 344:

Թեև գործի հետագա ընթացքը հայտնի չէ, բայց քահանան, ըստ ամենայնի, հասել է իր նպատակին, որի ապացույցն է կանգուն փառահեղ շենքը:

Սամվել Կարապետյան, Հյուսիսային Արցախ, Երեւան, 2004, էջ 344:

Գյուղի` առավել աչքի ընկնող բնակելի շինություններից մեկը՝ Մեսրոպ քահանա Տեր-Գրիգորյանցի` 1889 թ. կառուցված եռահարկ տունը ադրբեջանցի ելուզակները հրդեհել են Գետաշենը գրավելու օրերին՝ 1991 թ. մայիսին:

Սամվել Կարապետյան, Ադրբեջանը քաղաքակրթությունից դուրս, Երևան, 2017, էջ 62.

Արձանագրություն, Հայերեն, Փորագիր, Շինարարական 1889 թ․

Սամվել Կարապետյան, Հյուսիսային Արցախ, Երեւան, 2004, էջ 344:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1980 — 1982 թթ․

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․