Տապանաքար :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տապանաքար 1600 թ․

Ադրբեջան / Հյուսիսային Արցախ / Դաշկեսան / Խաչակապ

Արձանագրություն, Հայերեն, Փորագիր, Հիշատակագրություն 1600 թ․

Տեղադրված է եղել եկեղեցու հյուսիսարևելյան կողմում` արևելյան ճակատին.
Թվ. ՌԽԹ (1600), ես Սարուխանա կազմել տուի սուրբ խաչս հաւր իմոյ Սարգսին հոգուն:
Հրատ. «Արձագանք», 1886, N 21, էջ 309:
Ծանոթ. տապանաքարն աչքի է ընկել պատկերաքանդակների առատությամբ. «...գերեզմանի մէկ երեսի վերայ փորագրուած են խաչեր, իսկ միւսի վերայ պատկերներ. երևում է պարզած սփռոց զանազան կերակրներով և մրգեղէնով. սփռոցի վերայ բազմած պատկերը սազ է ածում. նորա կողքից մի ուրիշը ծաղկի փունջ է մատուցանում, ձեռը կուրծքին դրած ի նշան յարգանաց. մի երրորդը դիմացը՝ գինու գաւը ձեռքին բաժակն է լցնում. իսկ չորրորդ անձը ներքևում չոգած՝ կրակի վերայ խորովածի շամփուրն է պտըտում» («Արձագանք», 1886, N 21, էջ 309):