Յանշաղ Գյուղատեղի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Յանշաղ Գյուղատեղի

ԼՂՀ / Քարվաճառ / Յանշաղ

Տեղադրություն

Յանշաղից 5 կմ հյուսիս-արեւելք Մեյդան գետակի ափին պահպանվում են համանուն գյուղի ավերակները:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 41:

Պատմություն
1763 թ․

Հիշվում է 1763 թ. վանքապատկան գյուղերի ցուցակում:

Ջամբռ համաժողովեցեալ եւ շարաղրեցեալ ի Սիմէօնէ կաթողիկոսէ Երեւանցւոյ, Վաղարշապատ, 1873, էջ 283։ Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 41:

Նկարագրություն

Այս գյուղատեղիից մինչեւ Օմարի հայտնի լեռնանցքը 4 կմ է (ուղիղ գծով): Հենց այս գյուղատեղիի տարածքում սեւանցի ազատամարտիկ Մանվել Ղազարյանն ու իր ընկերները հայտնաբերել են երկու խաչքար. «Նրանցից մեկն ընկած է, մյուսը՝ կանգուն, խաչքարի կենտրոնում գտնվող մեծ խաչապատկերների կողքին քանդակված են փոքրերը, խաչերի վահանները զարդարված են ոճավորված լուսապատկերներով: Կանգուն խաչքարի վերեւի մասը ջարդված է»:

«Երկիր» օրաթերթ, N 107 (701), 8 հանիս, 1994, էջ 6 (Այս հնավայրը մեզ դեռեւս չի հաջողվել այցելել)։ Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 41: