Խաչքար :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խաչքար 916 թ․

ԼՂՀ / Քարվաճառ / Քարվաճառ

Պատմություն
1965 թ․

Խաչքարը շրջկենտրոնի թանգարան է փոխադրվել 1965 թվականի նոյեմբերի 4-ին: Ցավոք, հնարավոր չեղավ պարզել՝ թե շրջանի որ հնավայրից: Թանգարանում այն պահվել է 28 տարի՝ այցելուներին ադրբեջաներեն եւ ռուսերեն մակագրությամբ ներկայացվելով իբրեւ «աղվանական խաչդաշ»:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 53:

Ճարտարապետություն

Այն կերտված է սպիտակ կրաքարից եւ ունի 28,5x19,0x4,5 սմ չափեր: Ետնակողմին ունի վեց տողանոց թվակիր արձանագրություն:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 53:

Նկարագրություն
1993 թ․

Քաղաքի պատմագավառագիտական թանգարանում մինչեւ 1993 թ. ապրիլը պահվում էր մի խաչքար, որ խոր հնության մի ուշագրավ նմուշ է:

Ս. Կարապետյան, Քարվաճառյան խաչքար կանգնեցված 916 թվականին, «Ազգ» օրաթերթ, 1995, N 2, էջ 6։ Տես նաեւ նույնի՝ «Հնագույն խաչքար Քարվաճառում», «ՀՀ», 1995, 28 օգոստոսի. N 216, էջ 1։ Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 52:

Արձանագրություն, Հայերեն, Փորագիր, Հիշատակագրություն 916 թ․

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 53: Ծանոթ. Վերջին երկու տողերի իմաստը գրեթե անհասկանալի է: Հարկ է հիշեցնել, որ սա այսօր հայտնի թվակիր ամենահին խաչքարր 876 թվականից է, ուստի քարվաճառյան այս խաչքարր նրանից կրտսեր է ընդամենը 40 տարով: Ներկայում խաչքարը ապահովության նկատառումներով փոխադրված է Գանձասարի վանք: Ս. Կարապետյան, Ամենահին թվագրությամբ նորահայտ խաչքարը, «էջմիածին» ամսագիր, 1987, Ե-Զ, էջ 80-81:

Տեսակը Լուսանկար
Տեսքը արտաքին
Հեղինակը Սամվել Կարապետյան

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Տեսքը արտաքին
Հեղինակը Սամվել Կարապետյան