Թուրքական մզկիթ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Թուրքական մզկիթ 1863 թ․

ԼՂՀ / Քաշաթաղ / Ղարաղշլաղ

Տեղադրություն

Գյուղամիջում` մի փոքրիկ բլրի վրա, պահպանվում է գյուղի եկվոր բնակիչների երբեմնի ներկայությունը փաստող մզկիթի շենքը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 141:

Ճարտարապետություն
1863 թ․

Վերջինս ուղղանկյուն հատակագծով, անմշակ քարերից կառուցված փայտածածկ (չի պահպանվել) պարզ շենք է: Միակ մուտքը բացված է հյուսիսային ճակատից: Վերջինիս բարավորին եռատող փորագրված է (արաբատառ թուրքերենով, խիստ անուս գրչությամբ) մզկիթի կառուցման թվականը, որն է՝ 1863 թ.: Ի դեպ՝ ադրբեջանական հանրագիտարանը հանիրավի հնացրել է այն՝ շուրջ 1,5 հարյուրամյակ եւ թվագրել՝ 1718 թ.:

Վիմագրի վերծանությունը կատարել է արեւելագետ Հակոբ Փափազյանը։ «Ադրբեջանական խորհրդային հանրագիտարան» (ադրբեջաներեն), հատոր III, Բաքու, 1979, էջ 73։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 136: