Սբ. Պողոս-Պետրոս Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Պողոս-Պետրոս Եկեղեցի 17 դ․

ԼՂՀ / Քաշաթաղ / Շալվա

Տեղադրություն
17 դ․

Գյուղի հարավակողմում ցայսօր կանգուն է միանավ, թաղածածկ եկեղեցու շենքը, որը հորինվածքով եւ շինարվեստով հար եւ նման է գավառի տարածքում XVII դարի վերջերին կառուցված այլ եկեղեցիներին: Էական տարբերությունն այստեղ խորանի երկու կողմերում մեկական ավանդատների առկայությունն է: Ներքին լուսավորության խնդիրն այստեղ լուծված է 4 լուսամուտների միջոցով: Դրանցից երեքը բացված են արեւելյան, իսկ մեկը՝ արեւմտյան ճակատներից։ Միակ մուտք, արեւմուտքից է: Կառուցված է անմշակ քարով, կրաշաղախով, ներքուստ սվաղված է: Հյուսիսային պատի մեջ իր ավանդական տեղում է մկրտարանի խորշը (ավազանը չի պահպանվել): Պատերն ունեն գգալի հաստություն՝ արեւմտյան ճակատում, օրինակ, 139 սմ: Եկեղեցու արտաքին չափերն են 13,50 x 8,45 մ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 165:

Նկարագրություն

Ներկայում անհետացել է եկեղեցու դռնագլխի ճակատակալ քարը, որի վրա սովորաբար արձանագրված էր լինում շինարարության պատմությունը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 166:

Եկեղեցու պատերում և շրջակայքում պահպանվել են մի շարք ԺԲ-ԺԷ դդ. խաչքարեր և ԺԵ-ԺԷ դդ. տապանաքարեր։

Kortoshian, Raffi. The Endangered Christian Armenian Heritage of Artsakh, Yerevan, 2022, p. 105.

Արձանագրություն, Հայերեն, Փորագիր, Հիշատակագրություն 1611 թ․

Բարավորից աջ, կամարաձեւ սրբատաշ քարին բազմաթիվ խաչաքանդակների արանքում խառը գրությամբ փորագրված է.
ՏՐ ՊՈ(Ղ)ՈՍ, ՄԽԻԹԱՐ, ՌԿ(1611):

«Դիվան հայ վիմագրության», պրակ 5, կազմող Ս. Գ. Բարխուդարյան, Երեւան, 1982, էջ 195։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 166: Ի դեպ, վերծանության մեջ բաց է թողնված առաջին անձնանունը, թվականը վերծանել են «ՊԿ»(1411), սխալ է, իսկ գրչանկարը՝ կեղծված է։

Տեսակը Լուսանկար
Ուղղությունը ⇙ Հարավ-արևմուտքից
Հեղինակը Սամվել Կարապետյան

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Եկեղեցու արևելյան ճակատից բացված լուսամուտը, կից խաչքարի գեղաքանդակ բեկոր

Տեսակը Լուսանկար
Ուղղությունը ⇒ Արևելքից
Հեղինակը Սամվել Կարապետյան

Տեսակը Լուսանկար
Հեղինակը Սամվել Կարապետյան

Հեղինակը Սամվել Կարապետյան
Տարեթիվ 17 դ․

Հեղինակը Սամվել Կարապետյան