Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 12 — 13 դդ․

ԼՂՀ / Քաշաթաղ / Արըքլի

Տեղադրություն
1983 թ․

Ներքին Արըքլի (Արքո) գյուղից 1,5 կմ հարավ, հարավահայաց լեռնալանջի հրվանդանաձեւ երկարած լեզվակի հարթության վրա պահպանվում են միջնադարյան գյուղատեղիի, գերեզմանատան եւ 1983 թ. պայթեցված եկեղեցու ավերակները:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 168:
Գունավոր լուսանկար տես` "Documenti di Architettura Armena. GHARABAGH" , N 19, Milano, 1988, Էջ 80։

Ճարտարապետություն
12 — 13 թթ․

Միայն կենտրոնական թաղակիր կամարով դեռեւս կանգուն մնացած եկեղեցին ունի միանավ թաղածածկ բազիլիկի հորինվածք: Ավանդատներ չունի: Ուշագրավ է բավականին լավ ընդգծված պայտաձեւ խորանը: Կառուցված է անմշակ քարով, կրաշաղախով, ներքուստ սվաղված է: Արտաքին չափերն են 12,30 x 5,20 մ, պատերի հաստությունը՝ 90 սմ: Ըստ հորինվածքային եւ կառուցողական առանձնահատկությունների՝ XII-XIII դարերի կառույց է: Կարծում ենք՝ այն հիմնված է եղել ավելի հին եկեղեցու հիմքերի վրա:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 168-169:

Տեսակը Լուսանկար
Հեղինակը Սամվել Կարապետյան

Անանուն վանքի տեսքը պայթեցումից (1983 թ.) հետո 1985-ին

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Ուղղությունը ⇑ Հյուսիսից
Հեղինակը Սամվել Կարապետյան

Հեղինակը Սամվել Կարապետյան

Հեղինակը Արտակ Ղուլյան