Ջասատի Կամուրջ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ջասատի Կամուրջ 1607 թ․

Ադրբեջան / Հյուսիսային Արցախ / Թոուզ / Աղբաշլար

Տեղադրություն

Գտնվում է Ադրբեջանին բռնակցված Հյուսիսային Արցախի Զակամ գավառում` ներկայիս Թոուզի շրջանի Աղբաշլար գյուղի մոտ:

Սամվել Կարապետյան, Արցախի կամուրջները, Երևան, 2009, էջ 67:

Պատմություն

Կառուցվել է 1607 թ.: Քանդվելու ստույգ ժամանակն անհայտ է, սակայն դա տեղի է ունեցել նախքան 1890 թ., երբ ականատես Սարգիս Քամալյանը նկատել է միայն աջափնյա կամրջախելը և մոտակա ժայռին խաչաքանդակի ներքո կամրջի շինարարական արձանագրությունը. «...նշմարեցի բնութիւնից տաշած քարագրդոն, որի հարավային երեսին մեծ խաչաձև է նկարած ու մոտը գրած ,,Ս(ուր)բ խաչս բարեխոս է բարեմիտ Դաւթին, որ շինեաց Ջասատի կամու(ր)ճն յիշատակ հոգոյ իւրոյ. թվ(ին) ՌԾԶ (1607),,: Այդ գրութիւնը կարդալուց յետ դիտեցի, երևաց հին կամրջի խելի մնացորդը աջ ափին»:

Եղիշե Չարենցի անվան գրականության և արվեստի թանգարան, Ս. Քամալյանի ֆ., տետր N 1, VI-11, թ. 34:
Սամվել Կարապետյան, Արցախի կամուրջները, Երևան, 2009, էջ 67:
Սամվել Կարապետյան, Հյուսիսային Արցախ, Երևան, 2004, էջ 282:

Արձանագրություն, Հայերեն, Շինարարական 1607 թ․

Ս(ուր)բ խաչս բարեխոս է բարեմիտ Դաւթին, որ շինեաց Ջասատի կամու(ր)ճն յիշատակ հոգոյ իւրոյ. թվ(ին) ՌԾԶ (1607):

Սամվել Կարապետյան, Արցախի կամուրջները, Երևան, 2009, էջ 67:

Անվանում	Հիշ. ժամանակը	Ստուգաբանություն
Դավթի