Սևակնի Կամուրջ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սևակնի Կամուրջ Մ․թ․ա․ 4 — Մ․թ․ա․ 3 դդ․

ԼՂՀ / Ջաբրայիլ / Ղարաբուլաղ

Տեղադրություն

Գտնվում է Արցախի Դիզակ և Վարանդա գավառների սահմանագծին` Քոնդալան գետի վրա` Ի դարի սկզբներին Ջեբրայիլ գավառի միակ տակավին ռուսաբնակ Ղարաբուլաղ գյուղի հարևանությամբ:

Սամվել Կարապետյան, Արցախի կամուրջները, Երևան, 2009, էջ 14:

Պատմություն
1902 թ․

Հակառակ կամրջի խոր հնության` գրավոր աղբյուրներում բազմաթռիչք այս կամրջի մասին առաջին վկայությանը հանդիպում ենք միայն 1902 թ. «Ռուսական-Ղարաբուլաղից 2-3 վերստ հեռավորության վրա հոսում է Քյոնդալան-չայ գետը: Գետից երկու սաժեն հեռու գտնվում են խիտ խոտով ծածկված քարե մի կամրջի մնացորդներ: Այդ կամրջի ծագումը թաքնված է պատմական ժամանակների մթությամբ, իսկ տեղի բնակչության մոտ կառույցի ժամանակաշրջանի վերաբերյալ ոչ մի որոշակի ավանդություն չի պահպանվել: Ոմանք ասում են, որ այն իբր կառուցվել է Ալեքսանդր Մակեդոնացու կողմից Արաքս գետի Խուդափերին հին կամրջի հետ միաժամանակ, մյուսները կառույցը վերագրում են ինչ-որ Բահման թագավորին: Գետի նկատմամբ կամրջի գրաված դիրքից կարելի է եզրակացնել, որ այն կառուցվել է մի գետի վրա, որը ժամանակի ընթացքում փոխել է իր հունը, որի հետևանքով կամուրջը մնացել է գետի եզրին, իսկ կամրջի մերձակայքում բնակավայրերի բացակայության շնորհիվ այն փրկվել է մարդկային ձեռքերով վերջնական ավերումից: ...Ստույգ է, սակայն, որ ինչպես այս, այնպես էլ Խուդափերինի կամուրջը կառուցել է Շահ-Աբաս Մեծը...»:

Сегалъ И., Елисаветопольская губерния. Впечатления и воспоминания, “Кавказский вестник”, Тифлис, 1902, N 5, с. 31.
Սամվել Կարապետյան, Արցախի կամուրջները, Երևան, 2009, էջ 14:

Մ․թ․ա․ 4 — Մ․թ․ա․ 3 դդ․

Վկայությունից թերևս կարելի է եզրակացնել, որ կամուրջը կառուցվել է մեր թվարկությունից առաջ Դ–Գ դարերում և վերանորոգվել դարեր անց` ԺԷ դարում: