Ջրվշտիկ Կամուրջ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ջրվշտիկ Կամուրջ 12 — 13 դդ․

ԼՂՀ / Մարտակերտ / Մատաղիս

Տեղադրություն

Գտնվում է Արցախի Հանրապետության Մարտակերտի շրջանի Մատաղիս գյուղից 5 կմ հյուսիս-արևմուտք` Եղիշե Առաքյալ վանքից նույն ուղղությամբ 400 մ հեռու` Ջրվշտիկ կամ Եղիշե Առաքյալ գետակի վրա, խոր ձորի մեջ:

Սամվել Կարապետյան, Արցախի կամուրջները, Երևան, 2009, էջ 30:

Պատմություն
12 — 13 դդ․

Կառուցման ժամանակի վերաբերյալ տեղեկություններ չեն պահպանվել, սակայն կառուցողական առանձնահատկությունները թույլ են տալիս կառույցը թվագրել ԺԲ-ԺԳ դարերով:

Սամվել Կարապետյան, Արցախի կամուրջները, Երևան, 2009, էջ 30:

Պահպանվել են միայն կամրջախելերը: Քանդվելու ժամանակը նույնպես անհայտ է, սակայն դա տեղի ունեցած պետք է լիներ 1884 թվականից շատ ավելի վաղ, քանի որ այդ թվականին ականատեսը նշել է. «Կամուրջը ոչ այլ ինչ է, եթէ ոչ երեք երերուն գերան փայտի կտորներով ծածկուտած: Նրա տակով, մօտ 200 ոտնաչափ ցածրութեամբ հանդիպակաց, ցից-ցից ժայռերի մէջտեղովն ահագին շառաչմամբ արշաւում է Եղիշէ Առաքելոյ գետակը...»: Հարկ է ավելացնել, որ վաղուց գոյություն չունեն նաև կամրջախելերն իրար կապող «երերուն գերանները»:

Հայկունի, Ուղեգնացական ակնարկներ, «Մեղու Հայաստանի», 1885, N 66, էջ 3:
Սամվել Կարապետյան, Արցախի կամուրջները, Երևան, 2009, էջ 30:

Ճարտարապետություն

Միաթռիչք կամրջի թաղակիր կամարի անկյունաքարերը եղել են սրբատաշ, իսկ մնացած հատվածներն ու հատկապես բարձր հիմնախելը շարվել են անմշակ քարով, կրաշաղախով: Թռիչքի երկարությունը 6,0 մ է, լայնությունը` 3,30 մ, բարձրությունը ջրի մակարդակից (ըստ վերակազմության)` 11,25 մ:

Սամվել Կարապետյան, Արցախի կամուրջները, Երևան, 2009, էջ 30:

Տեսակը Լուսանկար
Հեղինակը Սամվել Կարապետյան
Աղբյուրը Գունավոր նեգատիվ

Տեսակը Չափագրություն
Հեղինակը Սամվել Կարապետյան
Աղբյուրը Գծագիր

Չափագրությունը՝ Սամվել Կարապետյանի, հրատարակության պատրաստումը` Աշոտ Հակոբյանի

Անվանում	Հիշ. ժամանակը	Ստուգաբանություն
Մազի