Չանաղչուձորի Կամուրջ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Չանաղչուձորի Կամուրջ 17 դ․

Ադրբեջան / Հյուսիսային Արցախ / Թոուզ / Աղբաշլար

Տեղադրություն

Գտնվում է Ադրբեջանին բռնակցված Հյուսիսային Արցախի Զակամ գավառում` ներկայիս Թոուզի շրջանի Աղբաշլար գյուղի մոտ:

Սամվել Կարապետյան, Արցախի կամուրջները, Երևան, 2009, էջ 63:

Պատմություն

Կառուցման ստույգ ժամանակն անհայտ է, սակայն առավել հավանական է, որ դա տեղի ունեցած պետք է լիներ մինչև ԺԷ դարը: Քանդվել է ավելի վաղ, քան 1890 թ., քանի որ ականատես Սարգիս Քամալյանը նշյալ թվականին տեսել է միայն կամրջի զույգ խելերը. «Աթտի-Բուլաղից ներքև գնալով գետի ձախ կողմից Մհարլու ձորն է, ձորաբերանում մի քանի տնվոր, նրանից ցած Չանաղչի ձորն է աջ ափից, յետո կամուրջի ավերակ, բացի միջին մասից, միւս մասերը կան: Այդ խախտվելով շինելիք ճամբին էլ մնացել է կիսատ: Ուղեկցիս ասելով այժմ այս ձորով անցնելը դժար չէ, նախկին տարիները բոլորովին անհնար է եղել գետի վարար միջոցին անցնելը: Այժմ սայլ բանում է, ավերված կամրջի հանդեպ աջ ափին պահականոց կա, որին Քեորփի Գեոզ են ասում, իսկ ներքև ձախ կողմում ընկնում են Շամլուտ և Աղ-դարա ձորերը»:

ԳԱԹ, Ս. Քամալյանի ֆ., տետր N 1, VI-11, թ. 34-35:
Սամվել Կարապետյան, Արցախի կամուրջները, Երևան, 2009, էջ 63:
Սամվել Կարապետյան, Հյուսիսային Արցախ, Երևան, 2004, էջ 282:

Անվանում	Հիշ. ժամանակը	Ստուգաբանություն
Քյոփրի Գյոզ