Օխտը եղցի Վանք :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Օխտը եղցի Վանք

Ադրբեջան / Հյուսիսային Արցախ / Դաշկեսան / Շահումյան

Տեղադրություն

Վիմափոր եկեղեցիներ են՝ գյուղից 2,5 կմ հյուսիս-արևմուտք, Չարեք բերդից 3,5 կմ հարավ-արևելք, Ուղտի քար ժայռի մեջ:

Սամվել Կարապետյան, Հյուսիսային Արցախ, Երեւան, 2004, էջ 255:

Պատմություն
13 դ․

Հիշվում են ԺԳ դարի 20-ական թթ. վերջերի անցքերի առնչությամբ, երբ թշնամիներից հալածական ու աստանդական դարձած Աղվանից Հովհաննես կաթողիկոսը (1195-1235)՝ որպես ժամանակավոր և ապահով նստավայր, ընտրել էր Չարեք բերդի մերձակայքում գտնվող քարանձավները. «...ի քարայր մի ի սահմանս բերդին՝ որ կոչի Չարեք...» կամ «...հաստատեաց զաթոռ իւր ի սահմանս Չարեքին, ի քարի անդ...»:

Կիրակոս Գանձակեցի, Պատմութիւն Հայոց, աշխատասիրությամբ` Կ. Մելիք-Օհանջանյանի, Երևան, 1961, էջ 178, 182:
Սամվել Կարապետյան, Հյուսիսային Արցախ, Երևան, 2004, էջ 255:

Ամենայն հավանականությամբ, ճիշտ այդ ժամանակաշրջանում էլ կերտվել են այն կիսաժայռափոր և ժայռափոր մատուռներն ու եկեղեցիները, որոնց մասին ականատեսը ԺԹ դարավերջին նշել է. «...քերծի ճակատում փորուած են եօթը քարայրներ և քարուկիր պատով պատուած բաց տեղերն: Քերծս և քարայրներս շրջապատուած են թանձր անտառներով: Քարայրներս բոլորն ևս եկեղեցի չեն, այլ միայն երկուսն, որոց մէջ մնում են վէմ և սեղան քարերն ցարդ: Վիմահերձի ճակատով շինուած է ուղի, որ տանում է այրերն...»:

Բարխուտարեանց Մ., Արցախ, Բագու, 1895, էջ 301:
Սամվել Կարապետյան, Հյուսիսային Արցախ, Երևան, 2004, էջ 255-256:

Անվանում	Հիշ. ժամանակը	Ստուգաբանություն
Ուղտի եղցի