ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Նոր Վերիշեն 1812 — 1920 թթ․ 5 Հուշարձան

ԼՂՀ (Երկիր) / Քարվաճառ (Շրջան) / Նոր Վերիշեն (Գյուղ)

Տեղադրություն

Գետափնյա Չայքյանդ գյուղը գտնվում է ուղղակի Տրտու գետի ափին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 48:

Նկարագրություն

Հայոց երբեմնի գերեզմանատան եւ եկեղեցու հետքեր գտել ենք միայն Չայքյանդ գյուղի կենտրոնական մասում: Այստեղ մի քանի բնակելի տների եւ հացի փռի շենքի պատերի մեջ ագուցված են ավերված գերեգմանատան կոտրատված տապանաքարեր ու եկեղեցու խաչազարդ քարեր: Ի դեպ, փռի պատի միջից է հանվել եւ ազատամարտիկների ձեռքով ԼՂՀ Չարեքտար գյուղ փոխադրվել եկեղեցու երեսպատի խաչագարդ մի քար: Տեղում պահպանվածներից ոչ մեկի վրա արձանագրություն չգտնվեց, բայց ըստ ոճական ու գեղարվեստական առանձնահատկությունների՝ դրանք կարելի է թվագրել XII–XIV դարերով:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 48-49:

Անվանում	Հիշ. ժամանակը	Ստուգաբանություն
Ալմալըղ
Խնձորեկ	1600 — 1812 թթ․
Չայքյանդ	1812 — 1920 թթ․