ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Յալղուզտամ Հուշարձան

ԼՂՀ (Երկիր) / Քաշաթաղ (Շրջան) / Յալղուզտամ (Գյուղ)

Պատմություն

Յալղուզտամ գյուղը՝ 2300 պտղահարկով, հիշվում է Օրբելյանի «ժամանակագրության» հավելվածի մեջ՝ ի թիվս Տաթեւի վանքի թեմապատկան այլ գյուղերի:

«Ժամանակագրութիւն Ստեփաննոսի Օրբէլեանի» (հավելված), Երեւան, 1942, էջ 42։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 154:

Նկարագրություն
1904 թ․

Աշխարհագրական դիրքը պարզելուն որոշակի նպաստ են բերում հետեւյալ պարագաները: Նախ, 1904 թ. հրատարակված «5 վերստանոց» քարտեզում Աբասլար եւ Ջաղազուր զյուղերի մոտ նշված է Յալղուզ-դաղ լեռնագագաթը, իսկ խորհրդային ռազմական քարտեզներում ճիշտ է, այդ գագաթի անունը զանց է առնված, բայց նրանից 1 կմ հարավ-արեւելք տարածված անտառածածկ լեռնալանջի համար նշված է «Յալղուզ-դամ» անունը (տվյալ դեպքում որպես այդ անունը կրող տեղամաս): Նույն վայրի հյուսիսային կողմում տարածված է մինչեւ 1992 թ. քրդաբնակ Ուլուդյուզ գյուղը: Վերջինս ակնհայտորեն հին զյուղ է, որն հայաթափումից հետո, XIX դարի 2-րդ կեսին բնակեցվել քրդերով: Դժվար չէ կռահել, որ հենց այս գյուղն էլ հանդիսանում է պատմական Յալղուզտամը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 154:

Անվանում	Հիշ. ժամանակը	Ստուգաբանություն
Ուլուդյուզ