ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Քյոլլուղշլաղ Հուշարձան

ԼՂՀ (Երկիր) / Կովսական (Շրջան) / Քյոլլուղշլաղ (Գյուղ)

Տեղադրություն

Ավազակաբարո թուրքերի հանգրվաններից մեկն էր: Գտնվում է Բասուտաջրի եւ նրան ձախից միախառնվող Շիկահողի վտակի միջեւ՝ շատ մոտ Կապանի շրջանի սահմանին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 208:

1905-1906 թթ. հայ-թուրքական ընդհարումներ
1906 թ․

1906 թ. ամռանը, երբ թուրքերը Հանդ եւ հարակից հայաբնակ գյուղերը գրավելու փորձ էին արել, քյոլլուղշլաղցիները եւս մասնակցեցին այդ ավազակաբարո հարձակմանը, բայց չարաչար պատժվեցին: Օգոստոսի 6-ին հայերը ոչ միայն զսպեցին արդեն Հանդ գյուղի մարագներին մոտեցած եւ դրանք հրո ճարակ դարձրած թուրքերին, այլեւ հետ մղելով ու հետապնդելով, իրենք հարձակվեցին Քյոլլուղշլաղ, Մթնաձոր եւ Սանալու գյուղերի վրա: Այնուամենայնիվ, տարիներ անց այդտեղից փախածները վերստին համախմբվեցին նույն տեղում: Նրանց թիվը 1914 թ. հունվարի 1-ի դրությամբ կազմել է 76 շունչ:

Ա-Դօ, Հայ-թրքական ընդհարամները Կովկասում 1905–06 թթ., Երեւան, 1907, էջ 300-301:
Кавказский Календарь на 1915 г." Тифлис, 1914, Тифлис, էջ 139:
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 208: