ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տիգրանակերտ Հուշարձան

ԼՂՀ (Երկիր) / Աղդամ (Շրջան) / Տիգրանակերտ (Քաղաք)

Տեղադրություն
Մ․թ․ա․ 95 — Մ․թ․ա․ 55 թթ․

Հայոց Տիգրան Մեծ արքայի (մ.թ.ա. 95-55) կողմից հիմնված եւ իր իսկ անունը կրող 4 քաղաքներից մեկը հետազոտողները տեղորոշում են Շահբուլաղ ամրոցից հյուսիս-արեւելք՝ հռչակավոր աղբյուրի եւ ներկայիս Թարնոյուտ (Թառնագյուտ) գյուղի (Վանքասարի ստորոտում) եւ կամ Գյավուրղալա քաղաքատեղիի տարածքում։

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 227:

Նկարագրություն

Հարկ է նշել, որ Աղձնիքում, Գողթնում, Ուտիքում եւ Արցախում գտնվող եւ միեւնույն Տիգրանակերտ անունը կրող 4 քաղաքներից վերջին երկուսի վերաբերյալ առկա մատենագրական տվյալները ուսումնասիրողների կողմից շփոթված են իրար հետ։ Մասնավորապես, սկզբնաղբյուրներում հիշված Տկռակերտը գտնվում էր ոչ թե Արցախում, այլ Ուտիքում, Շամքոր գետի աջ ափին։

Տես Բարում եւ Բարսում զյուղերի շրջանի մանրատեղանունների քարտեզը («Գարդմանք» ամսաթերթ, 1996 N 3, էջ 7)։ Ըստ էության, այս ուղղությամբ դեռևս անհրաժեշտ խորությամբ ուսումնասիրություն չի կատարված։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 227: