ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խալաշ 2 Հուշարձան

ԼՂՀ (Երկիր) / Քաշունիք (Շրջան) / Խալաշ (Գյուղ)

Տեղադրություն

Հին գյուղ է գտնվում է Ղուբաթլի քաղաքից 4 կմ հյուսիս-արեւմուտք:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 191:

Նկարագրություն
18 դ․

XVIII դարի վերջերին այստեղ հաստատված քրդերը, մի քանի տասնամյակների ընթացքում մերձակա գյուղերի արոտավայրերին տիրանալով, արդեն XIX դարի կեսերին որոշակի կարողություն եւ ազդեցություն էին ձեռք բերել: Դրա հավաստումն է հենց այդ ժամանակ գյուղում (անտարակույս, մերձակա հայաբնակ գյուղերից հրավիրված վարպետների ձեռքով) կառուցված քուրդ բեկի բնակարանային համալիրը (մի քանի թաղակապ սենյակներ՝ ներառնված կամարակապ լայն դարպաս ունեցող պարսպապատի մեջ):
Դրանց վերականգնման ուղղությամբ որոշ աշխատանքեեր են կատարվել 1980-ական թվականներին, որոնք, բարեբախտաբար, մնացել են թերավարտ, քանի որ աշխատանքներն ունեցել են ոչ այնքան վերականգնելու, որքան այլափոխելու նպատակ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 191-192:

Անվանում	Հիշ. ժամանակը	Ստուգաբանություն
Խալաջ