Սբ. Մինաս Մատուռ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Մինաս Մատուռ

ԼՂՀ / Շահումյան / Բուզլուխ

Տեղադրություն

Գտնվում է գյուղի հարավային եզրին (N 40՛24՛24.27՛՛, E 046՛25՛45.73՛՛, ծ. մ. 1400 մ):

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 37:

Պատմություն

Տակավին ԺԹ դարի վերջերին մատուռի շրջակայքում եղել են ավելի քան երկու տասնյակ դարավոր հացենիներ, սակայն մեր այցելության ժամանակ դրանց հետքն իսկ չկար. «Բուզլուղ գիւղում, Ս. Մինաս անուանուած մատուռի մօտ կան քսանից աւելի վիթխարի հացէնիներ, որոնք նոյնպէս պաշտւում են, և որոնց մի տերևն անգամ մեծ մեղք են համարում կտրել: Պատմում են, թէ մի անգամ մի թուրք ձեռնափայտ է կտրել այս ծառի ճիւղերից, բայց մինչև տուն հասնելը լեզուն բռնուել է և մի կողմը թուլացել: Հասկանալով, որ այդ պատիժը սուրբ ծառիցն է, նա խոստանում է մի արջառ մատղել, եթէ առողջանայ, և երբ առողջանում է՝ կատարում է իւր խոստումը»:

Լալայեան Ե., Գանձակի գաւառ, «Ազգագրական հանդէս», 1900, գիրք Զ, էջ 337:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 37:

Ճարտարապետություն

Մատուռը միանավ, թաղածածկ հորինվածքով, արևմուտքից բացված միակ մուտքով, առանց ավանդատների մի պարզ եկեղեցի է՝ կառուցված անմշակ քարով և ցածրորակ կրաշաղախով: Մուտքի մոտ կանգնեցված էր 1551 թ. գեղաքանդակ խաչքար:

Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 37:

Ուղղությունը ⇐ Արևմուտքից
Հեղինակը Սամվել Կարապետյան
Տարեթիվ 1987 թ․

Ուղղությունը ⇙ Հարավ-արևմուտքից
Հեղինակը Սամվել Կարապետյան
Տարեթիվ 1987 թ․

Ուղղությունը ⇘ Հարավ-արևելքից
Հեղինակը Սամվել Կարապետյան
Տարեթիվ 1987 թ․

Տեսակը Չափագրություն
Հեղինակը Սամվել Կարապետյան

Սբ. Մինաս մատուռի հատակագիծը