Փառքի (ՀՄՊԶ) Հուշարձան :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Փառքի (ՀՄՊԶ) Հուշարձան

ԼՂՀ / Շահումյան / Գյուլիստան

Պատմություն

Գյուղեզրին 1970-ական թթ. կանգնեցվել է Մեծ հայրենականում զոհված կամ անհետ կորած 92 գյուլիստանցիների հիշատակը հավերժացնող հուշարձան:
Նրանցից կապիտան Գարեգին Շեկոյի Բալայանին (1912 թ., Գյուլիստան - 25.09.1943, Զարուբենց գղ.) 1943 թ. հոկտեմբերի 23-ին ԽՍՀՄ Գերագույն խորհրդի նախագահության հրամանագրով շնորհվել է ԽՍՀՄ հերոսի կոչում («Կիեւից հարավ՝ Դնեպրը հաջողությամբ գետանցնելու, Դնեպրի արեւմտյան ափին ամուր հենակետ ստեղծելու գործում հրամանատարության մարտական առաջադրանքներն օրինակելիորեն կատարելու եւ այդ ժամանակ ցուցաբերած խիզախության ու հերոսության համար շնորհել Խորհրդային Միության հերոսի կոչում՝ հանձնելով Լենինի շքանշան եւ «Ոսկե աստղ» մեդալ կապիտան Գարեգին Շեկոյի Բալայանին»): Ի դեպ, Ուկրաինայի Զարուբենցի գյուղի մոտ գտնվող գերեզմանաքարին արձանագրվել է. «Այստեղ թաղված է կապիտան Գարեգին Բալայանը (1912-1943 թթ.), որը հերոսաբար զոհվեց Դնեպրի ափին հայրենիքի ազատագրման համար մղված մարտերում»: Հերոսի անունն էր կրում նաև Զարուբենցի գյուղի դպրոցը:

Բարսեղյան Ս., Արցախ-Ղարաբաղը Մեծ Հայրենականում (1941-1945 թթ.), Ստեփանակերտ, 2015, էջ 204, 207:
Տե՛ս նաև Ղահրամանյան Կ., Օջախի գիրք, հ. Բ, էջ 422-424:
Սամվել Կարապետյան, Հայաստանի պատմություն, Մռավականք, հ. Դ, Երևան, 2019, էջ 79-80: