Տապանաքար :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տապանաքար 1833 թ․

ԼՂՀ / Ասկերան / Ավետարանոց

Արձանագրություն, Հայերեն, Հիշատակագրություն 1833 թ․

Տապանաքարին. գտնվել է մելիքական գերեզմանոցում.

Մէլիք Խուդաթ իշխող Վարանդայ, թոռն ըստ մարմնոյ մէլիք Ջումշիտայ, այս նորա տապան յորում մարմնով կայ, կենդանի հոգւով միշտ և յարակայ, ամաց քառասնից ել սա յաշխարհէ, զերծ արդ գտանի յամենայն չարէ, զայս վէմ ետ շինել առն իւրում ի ձօն, ի պատիւ սորա՝ կին սորին զգոն, թվ(ին) ՌՄՁԲ (1833) էր:

Հրատ. Բարխուտարեանց Մ., Արցախ, էջ 98: Բեկնազարյանց Ա., Գաղտնիք Ղարաբաղի, էջ 255, ծնթ. 2 (հրատ. ոչ ամբողջական): Լալայեան Ե., Վարանդա, էջ 44-45: ԴՀՎ, V, էջ 150: Մաղալյան Ա., Արցախի մելիքությունները..., էջ 195:

Ծանոթ. տեղեկություններից մեկով՝ մելիք Ջումշուտի մահից հետո (1812 թ. ապիլի 25) մելիքությունն անցնում է թոռանը՝ մելիք Խուդադադին (Բեկնազարյանց Ա., Գաղտնիք Ղարաբաղի, էջ 255): Մելիք Խուդաթը (մելիք Խուդադադ) Վարանդա գավառի վերջին իշխանն էր: Նրա մասին տե՛ս Մաղալյան Ա., Արցախի մելիքությունները..., էջ 193-195: