Տապանաքար :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տապանաքար 1905 թ․

Ադրբեջան / Հյուսիսային Արցախ / Շամխոր / Բադա

Արձանագրություն, Հայերեն, Փորագիր, Հիշատակագրություն 1905 թ․

Տապանաքարը կանգնեցվել է ի հիշատակ գյուղի ինքնապաշտպանության կազմակերպիչ Պետրոս Ծերատյանցի:
Աստ հանգչի ներքո քարի մարմին քաջ զինւ|որի Պետրոսի Ծերատեանցի. ժամանակ | հաե-թրքական ընդհարումի զոհուվէց 24-ամաց | երիտասարդ հասակի 1905 ամի նոյեմբերի, | հանդիպողացդ խնդրէ ասէլ Ա(ստուա)ծ ողորմի:
Հրատ. Կարապետյան Ս., Հյուսիսային Արցախի պատմական հուշարձանները, 1995, N 37, էջ 6:
Ծանոթ. Հայտնի է, որ Պետրոս Ծերատյանցը զոհվել է, երբ «Խուժանը ... իջաւ Խազնի ձորը, և յարձակուեց Թոզ փըրփընջան մեծ այրում պատսպարուած 700-800 երկու սեռի և զանազան հասակի մարդկանց վերայ ու սկսեց կոտորածը: Թուրքերն անցան գետի ձախ ափն և այնտեղ դիրք գրաւելով՝ սկսեցին գնդակահարել այրը: Աջ ափում, Կապ կոչուած դժուարամատչելի ժայռում ամրացած երիտասարդ Պետրոս Ծերատեանցն էլ հակառակ կողմից կրակ թափեց խաժամուժ, արիւնարբու ամբոխի վերայ և իրար յետևից 36 թուրք սպանեց: Վերջն՝ փամփուշտն սպառելով՝ ինքն էլ ընկաւ թշնամու գնդակից (Քաջբերունի, Բադա գիւղի աւերումը, «Արարատ», 1910, էջ 658):