Անապատ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Անապատ

Ադրբեջան / Հյուսիսային Արցախ / Շամխոր / Շամխոր / Շամքոր

Պատմություն
17 դ․

Շամքորում կամ նրա մերձակայքում գոյություն է ունեցել անապատ, որը հիշատակվում է ԺԷ դարի սկզբնաղբյուրներում որպես գրչօջախ (չի բացառվում, որ անապատը լիներ Մովսես Կաղանկատվացու հիշատակած Բերդո վանքը):

Սամվել Կարապետյան, Հյուսիսային Արցախ, Երեւան, 2004, էջ 509:

Գրչօջախներ
1635 թ․

1635 թ. Սարգիս բանասերը «...ի սբ. անապատս Շամքօրու» ընդօրինակել է Պողոս առաքյալի «Թղթերը»:

«ԺԷ դարի հայերեն ձեռագրերի հիշատակարաններ» հատոր Բ, կազմեցին` Հակոբյան Վ., Հովհաննիսյան Ա., Երեւան, 1978, էջ 611:
Սամվել Կարապետյան, Հյուսիսային Արցախ, Երևան, 2004, էջ 509:

1651 թ․

1651 թ. Գրիգոր քահանան հեղինակել ու նկարազարդել է մի ձեռագիր «Խորհրդատետր» և հիշատակարանում գրել. «...ետու ի ձեռն երիցս երանեալ, երջանիկ րաբունապետի սրբոյն Սարգիս վարժապետի, վերադիտողի սրբոյ անապատին Շամքորոյ... ՌՃ (1651)»:

«ԺԷ դարի հայերեն ձեռագրերի հիշատակարաններ» հատոր Բ, կազմեցին` Հակոբյան Վ., Հովհաննիսյան Ա., Երեւան, 1978, էջ 450:
Սամվել Կարապետյան, Հյուսիսային Արցախ, Երևան, 2004, էջ 509: