Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 1535 թ․

Ադրբեջան / Հյուսիսային Արցախ / Գետաբեկ / Նովո-Սարատովկա

Նկարագրություն

Տեղագիր հեղինակներից Ս. Քամալյանն առաջինն է, որ տեսել է Նովո-Սարատովկայում բնիկներից մնացած պատմական հուշարձանները, մասնավորապես՝ եկեղեցին ու գերեզմանոցը. «...ապացույց են հանգստարանները, եկեղեցիների որմերը, որոնք գեղի մեջ կամ բնակութիւնից քիչ հեռու աչքի են ընկնում: ... Հանգստարանից քաշ այժմյան գեղի փողոցի տակին մի մալականի բակում դեռ մնում է հայ եկեղեցին կիսաքանդ. սեղանի ծածկը անվնաս է թաղերի հետ, սեղանի վրայից քարեր հանած էին: Մալականները հավատացնում էին, որ բաշքենդցի հայերն են տարել նորաշեն եկեղեցու վրա բռնագրել»:

Եղիշե Չարենցի անվան գրականության և արվեստի թանգարան, Ս. Քամալյանի ֆ., տետր N 1, VI-11, թ. 33-34: Ի դեպ, 1890 թ. Ս. Քամալյանը Նովո-Սարատովկայում գիշերել է մի հայի տանը. «Գիշերը մնացի խանութպանի մոտ, որ գանձակեցի հայ էր, սիրալիր ընդունեց և պատվեց» (թ. 34):
Սամվել Կարապետյան, Հյուսիսային Արցախ, Երևան, 2004, էջ 99:

Այս տեղեկություններին Մ. Բարխուտարյանցն ավելացրել է նաև եկեղեցու չափերը. «... կիսաւեր եկեղեցին, որի երկարութիւնն 18 մետր, լայնութիւնն 11 մետր է»:

Բարխուտարեանց Մ., Արցախ, Բագու, 1895, էջ 310:
Սամվել Կարապետյան, Հյուսիսային Արցախ, Երևան, 2004, էջ 99-100:

Պատմություն
1535 թ․

Մեզ անհայտ մի աղբյուր եկեղեցին թվագրել է 1535 թ.:

«Ադրբեջանական սովետական հանրագիտարան», հ. 7, Բաքու, 1983, էջ 283:
Սամվել Կարապետյան, Հյուսիսային Արցախ, Երևան, 2004, էջ 100:

1558 թ․

Տեղում գտնված մի խաչքար կերտվել է 1558 թ.: