«Ջոխտակ կամուրջ» Կամուրջ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

«Ջոխտակ կամուրջ» Կամուրջ 9 — 11 դդ․

Ադրբեջան / Հյուսիսային Արցախ / Գետաբեկ / Դայա-Ղարաբուլաղ

Տեղադրություն

Գտնվում էր Շամքոր գետի ձախ վտակ Փառիսոսի վրա` համանուն գյուղատեղիի տարածքում, ծովի մակերևույթից 1150 մ բարձրության վրա:

Սամվել Կարապետյան, Արցախի կամուրջները, Երևան, 2009, էջ 22:

Պատմություն

«Ջոխտակ կամուրջ» գյուղատեղիում (անուն արդեն իսկ հուշում է) եղել է երկու կամուրջ. «...անուանում են Բայրամ-Ալի կամ Ղօշա-քեորփի (ջուխտ կամուրջ), երևի այն երկու կամուրջների անունով, որոնցից մէկն այժմ կործանուած է, որի միայն մի կողմն է երևում, իսկ միւսը նրանից բաւական բարձր, դեռ կանգուն մնում է...»:

Սմբատ Մ., Հնութիւններ Գետաբէկի շրջակայքում, «Նոր-Դար», 1893, N 36, էջ 2:
Սամվել Կարապետյան, Արցախի կամուրջները, Երևան, 2009, էջ 22:
Տե'ս նաև Սամվել Կարապետյան, Հյուսիսային Արցախ, Երևան, 2004, էջ 80:

Հիմք ընդունելով մերձակա հնավայրերի և հուշարձանների (Փառիսոսի վանք, Փառիսոսի բերդ, Փառիսոս քաղաքատեղիի եկեղեցիներ) թվագրման տվյալները (հիմնականում Թ-ԺԱ դդ.):

Սամվել Կարապետյան, Արցախի կամուրջները, Երևան, 2009, էջ 22:

Հարկ է նշել, որ 2-րդ կամուրջը «Ջոխտակ կամուրջ» գյուղատեղիից, իրոք, բավականաչափ հեռու է և գտնվում է Չանախչի գյուղատեղիում: Ուստի առավել հավանական ենք համարում, որ տեղում եղել է հետագայում ավերված ևս մեկ կամուրջ:

Սամվել Կարապետյան, Հյուսիսային Արցախ, Երեւան, 2004, էջ 80:

Անվանում	Հիշ. ժամանակը	Ստուգաբանություն
Ղօշա-քեորփի (ջուխտ կամուրջ)
Բայրամ-Ալի