Սբ. Դադիի Գերեզմանոց :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Դադիի Գերեզմանոց

ԼՂՀ / Քարվաճառ / Դադի վանք

Պատմություն

Հայտնի է, որ քրիստոնեության առաջին գաղափարակիր-քարոզիչների նահատակության վայրերը սրբացվել են։ Միայն Հայոց Արեւելից կողմանքում հայտնի են քարոզիչների նահատակության մի շարք վայրեր։ Հիշենք, թեկուզ, նահատակված Եղիշե Առաքյալի գերեզմանը Հոմենք կամ Բոմեն (այժմ՝ Բում գյուղը Կուտկաշենի շրջանում) գյուղի մոտ, նրա աշակերտներ՝ Քահալցիցիկի գերեզմանը Վարդաշենի մոտ, Դյումրատայինը՝ Ծերիկ գյուղում, Վլասինը՝ Նիժում, իսկ Դրիգոր Լոաավորչի թոռ Սբ. Գրիգորիսինը՝ Վատնյան դաշտում (այժմ Բիլիջի շրջան) եւ այլն։ Բոլոր այս քարոզիչ-նահատակների գերեզմանների տեղում հետագայում կանգնեցվել են կոթող-հուշասյուներ, մատուռներ կամ, ավելի ուշ, եկեղեցիներ։ Հիշենք Կաղանկատվացու հիշատակումն այն մասին, որ օրինակ՝ Եղիշեի նահատակության վայրում VII դարում հուշասյուն է կանգնեցվել. «... յետ բազում ժամանակաց բարեպաշտն Վաչագան՝ Աղուանից արքայ, կանգնեաց սիլն ի գբի նահատակութեանն Եղիշայի...»։

Մովսէս Կաղանկատուացի, Պատմութիւն Աղուանից Աշխարհի, Երեւան, 1983, էջ 12: Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 86-87: