Սբ. Աստվածածին Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 1682 թ․

ԼՂՀ / Քաշաթաղ / Միրիկ

Տեղադրություն

Մերիկի հյուսիսային եզրին՝ իր բարձր դիրքով գյուղին իշխող լերկ ժայռազանգվածի վրա, կանգուն վիճակով մեգ է հասել Սբ. Աստվածածին եռանավ թաղածածկ բազիլիկ եկեղեցին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 134:

Ճարտարապետություն

Այն կառուցված է կոփածո քարով, կրաշաղախով: Խաչաձեւ կտրվածքով սյուներն ու բոլոր անկյունաքարերը սրբատաշ են: Շենքը ներքուստ սվաղված է: Պատերի մեջ ագուցված են XII-XVII դդ. տապանաքարեր (ինչպես ամբողջական, այնպես էլ բեկորված): Հարավային ճակատից բացված միակ մուտքը արտաքինից ունի շքեղ հարդարանք: Եկեղեցու ներքին լուսավորությունն իրականացված է դեպի ներս լայնացող 6 լուսամուտների միջոցով: Իր ավանդական տեղում է մկրտարանի խաչաձեւ ավազանը: Խորանի երկու կողմերում մեկական ավանդատներն են: Եկեղեցու պատերն ունեն մինչեւ 1,55 սմ հաստություն: Արտաքին չափերն են 20,60x12,00 մ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 134:

Նկարագրություն

Խորհրդային տարիներին եկեղեցու շենքը ծառայել է իբրեւ գյուղական ակումբ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 134:

Վիմագրեր

Որմերին պահպանվել են մի քանի արձանագրություններ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 134:

Արձանագրություն, Հայերեն, Փորագիր, Շինարարական 1682 թ․

Որմերին պահպանվել են մի քանի արձանագրություններ: Դրանցից գլխավորը մուտքի ճակատակալ քարին 6 տողով փորագրված շինարարական բովանդակությամբ արձանագիրն է: Վերջինիս առաջին ընթերցումը կատարվել է 1960-ականների սկզբին:
Պ(Ա)Ր(Ո)Ն Հ(Ա)ԽՆ(Ա)Զ(Ա)Ր | ԵՍ Պ(Ա)Ր(Ո)Ն Հ(ԱԽ)Ն(Ա)ԶԱՐՍ ՇԻՆ(Ե)ՑԻ Ս(ՈՒՐ)Բ Ա(ՍՏՈՒԱ)ԾԱԾ(Ի)Ն ԵԿ(Ե)Ղ(Ե)Ց(Ի)Ս ՅԻՇ(Ա)Տ(Ա)Կ ԻՆՁ ԵՒ ԻՄ | ԾՆ(Ո)Ղ(Ա)ՑՆ, ՀԱՅՐՆ ԻՄ Պ(Ա)Ր(Ո)Ն (ՍԱՐ)ԳՍԻՆ, ԵՂԲ(ԱՅ)ՐՆ ԻՄ Հ(Ա)ՅԿ(Ա)ԶՆ Յ(Ի)Շ(Ե)ՑԷՔ Ի Ք(ՐԻՍՏՈ)Ս | ԵՍ ՆՕԱՐԴՍ(՞) ՏԱՒՆ(ՈՒ)Տ(Է)Ր ՎԵՐ(Ա)Կ(Ա)ՑԻ Ս(ՈՒՐ)Բ ԵԿԵՂԵՑ(ՈՅ)Ս Տ(ՈՒԱ)Ք: Ե(5) Թ(ՈՒ)ՄԱՆ ՅԻՇ(Ա)Տ(Ա)Կ | ԻՆՁ ԵՒ ԻՄ ԾՆ(Ո)Ղ(Ա)ՑՆ: ՄԵՆՔ ՄԱՐԿԻ(Ս)ԱՅ Ժ(ՈՂՈ)Վ(ՈՒ)ՐԴՍ ՏՈՒԻՆՔ Ս(ՈՒՐ)Բ ԵԿ(Ե)Ղ(Ե)ՑՈՅՍ | :Ե:(5) Թ(ՈՒ)Մ(Ա)Ն ՅԻՇ(Ա)Տ(Ա)Կ ՄԵԶ ԵՒ ՄԵՐ ԾՆ(Ո)Ղ(Ա)ՑՆ, Ի ԹՎԻՆ: ՌՃԼ: ՄԷԿՆ(1682):

«Դիվան հայ վիմագրության», պրակ 5, կազմող Ս. Գ. Բարխուղարյան, Երեւան, 1982, էջ 196 (հրատարակել են բազմաթիվ վրիպումներով, ամբողջ բառերի բացթողումներով եւ կեղծ գրչանկարով):
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 134:

Արձանագրություն, Հայերեն, Փորագիր, Հիշատակագրություն

Եկեղեցու ներսում հյուսիսային ավանդատան բարավորից քիչ բարձր, երեք տողով փորագրված է.
ԵՍ ԷՄԻՆ Կ(Ա)Ն(ԿՆ)ԵՑԻ ԶԽ|ԱՉՍ Հ(ՈՒ)Ռ(ՈՒ)ՄՈ, ՀԱՒՐ ԻՄՈ Ա(ՍՏՈՒԱ)ԾԱ|(ՏՈՒՐ)........:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 135:

Տեսակը Լուսանկար
Ուղղությունը ⇒ Արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Խաչքարի բեկոր հարավային ճակատում

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Խաչքարի բեկոր հարավային ճակատում

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Եկեղեցու հարավային ճակատից բացված մուտքը:

Հեղինակը Սամվել Կարապետյան

Հեղինակը Սամվել Կարապետյան
Տարեթիվ 2016 թ․