Գերեզմանոց :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գերեզմանոց

ԼՂՀ / Քաշաթաղ / Ալղուլիշեն

Նկարագրություն

1985 թ. գյուղի հարավ-արեւմտյան եզրին, փոքրիկ վտակի ձախակողմում, մի թմբի վրա պահպանվում էին 15-20 ուղղանկյունաձեւ սրբատաշ ու արձանագիր տապանաքարեր՝ այն ամենը, ինչ մնացել էր հայոց երբեմնի ընդարձակ գերեզմանատնից: Տապանագրերը վերաբերում էին XIX դարի 2-րդ կեսին եւ XX դարի սկզբներին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 174:

1993 թ․

Տարածքի ազատագրումից հետո, 1993-ին մեր հերթական այցելության ժամանակ պարզվեց, որ այդ գերեզմանոցի հետքն անգամ չի պահպանվել: Երկար որոնումներից հետո տապանաքարերի միայն առանձին բեկորներ գտնվեցին մի քանի տների բակերում, քարաշեն ցանկապատերի մեջ եւ այլուր: