Սբ. Սարգիս Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Սարգիս Եկեղեցի

Ադրբեջան / Հյուսիսային Արցախ / Խանլար / Ոսկանապատ

Տեղադրություն

Գտնվում է Կուսանաց Սբ. Աստվածածին անապատի դեմ հանդիման՝ գետի հանդիպակաց աջ ափին:

Սամվել Կարապետյան, Հյուսիսային Արցախ, Երեւան, 2004, էջ 416:

Ճարտարապետություն

Բաղկացած է միանավ թաղածածկ եկեղեցուց, միաբանական ավերակ կացարաններից և շրջապարսպից: Երկթեք ծածկի տակ առնված կիսաշրջանաձև թաղը պահում են երկու զույգ որմնասյուների վրա հենված թաղակիր կամարները: Եկեղեցու արտաքին չափերն են` 10,50 x 6,30 մ: Կառուցված է անմշակ քարով, կրաշաղախով:

Սամվել Կարապետյան, Հյուսիսային Արցախ, Երեւան, 2004, էջ 416-417:

Պատմություն
1885 թ․

1885 թ. մի վավերագրում, ի թիվս Սբ. Հակոբ և Կուսանաց Սբ. Աստվածածին անապատի, հիշվում է նաև Սբ. Վարդանանց եկեղեցին:

Բարխուտարեանց Մ., Արցախ, Բագու, 1895, էջ 275:
Սամվել Կարապետյան, Հյուսիսային Արցախ, Երևան, 2004, էջ 417:

Քանի որ Ոսկանապատում (նաև մերձակայքում) քիչ թե շատ նշանավոր երրորդ եկեղեցին Սբ. Սարգիսն է, ուստի կարծում ենք, թե Սբ. Վարդանանցը նրա անվանման մի տարբերակն է: Եկեղեցին, ըստ ամենայնի, ԺԷ դարի կառույց է: Ուշագրավ է, որ երկու տարբեր ձեռագրերում (1626 և 1634 թթ.) Ոսկանապատում հիշվում է միևնույն Վարդան երեցը. «...ես ...Վարդան էրէցս Ոսկի անայպատու...» և «...Ոսկանապատու Վարդան իրիցին»: Թվում է, թե Սբ. Վարդանանց անունը կրող եկեղեցին կապ ունի այս Վարդան երեցի հետ (կարող էր կամ նրա կողմից և կամ ի հիշատակ նրան կառուցված լինել):

«ԺԷ դարի հայերեն ձեռագրերի հիշատակարաններ» հատոր Բ, կազմեցին` Հակոբյան Վ., Հովհաննիսյան Ա., Երեւան, 1978, էջ 206, 543:
Սամվել Կարապետյան, Հյուսիսային Արցախ, Երևան, 2004, էջ 417:

Տեսակը Լուսանկար
Տեսքը արտաքին
Ուղղությունը ⇐ Արևմուտքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1980 — 1982 թթ․

Տեսակը Չափագրություն
Տեսքը արտաքին
Հեղինակը Սամվել Կարապետյան
Աղբյուրը Գծագիր

Հատակագիծ

Անվանում	Հիշ. ժամանակը	Ստուգաբանություն
Սբ. Վարդանանց