Քարավազի Նոր Կամուրջ :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Քարավազի Նոր Կամուրջ 17 դ․

ԼՂՀ / Ջաբրայիլ / Խուդափերին

Տեղադրություն

Գտնվում է Արցախի Հանրապետության Քաշաթաղի շրջանում` Դիռի լեռան ստորոտում` Արաքս գետի վրա: Ծովի մակերևույթից բարձր է 246 մ:
Աշխարհագրական կոորդինատներն են` N 39՛09՛02.01՛՛, E 46՛56՛24.01՛՛:

Սամվել Կարապետյան, Արցախի կամուրջները, Երևան, 2009, էջ 26:

Պատմություն
12 — 13 դդ․

Հետագայի վերակառուցումների հետքերի համաձայն` ԺԲ-ԺԳ դարերի կառույց է:

Սամվել Կարապետյան, Արցախի կամուրջները, Երևան, 2009, էջ 26:

16 դ․

ԺԶ դարում հիշատակվում է օսմանյան պետության սահմանների մատնանշման առիթով. «Եւ մինչև ի Խուդաֆրին ունէին ընդ իշխանութեամբն իւրեանց»:

Առաքել Դաւրիժեցի, Գիրք Պատմութեանց, Երևան, 1990, էջ 57:
Սամվել Կարապետյան, Արցախի կամուրջները, Երևան, 2009, էջ 26:

1805 — 1817 թթ․

1805 թ տեղի ունեցած դեպքերի առնչությամբ 1817 թ. գերմանացի դիվանագետ Մորից ֆոն Կոցեբուն նշել է. «...գեներալ Ցիցիանովը տասներկու հազար մարդոց հետ և մի քանի թնդանոթներով գնաց Աբբաս Միրզայի դեմ և կատարյալ պարտության մատնեց նրան: Թագավորը [Ֆաթ Ալի Շահ], որ մի մեծ բանակի գլուխ անցած գտնվում էր Արաքսի այս կողմը, ծայրահեղ շտապանքով նահանջեց գետի մյուս ափը, և նույնիսկ քանդեց Հուդերապինի (Huderapin) գեղեցիկ կամուրջը, որ տակավին ավերակ է»:

Հակոբյան Հովհ., Ուղեգրություններ, Զ, Երևան, 1934, էջ 520:
Սամվել Կարապետյան, Արցախի կամուրջները, Երևան, 2009, էջ 26:

Ճարտարապետություն
1890 թ․

1890-ականների սկզբներին նշվել է. «...վարի կամուրջն հիմնարկուած է նոյնպէս բնական վէմ քարերի վերայ, որ ունի տասնհինգ աչք, որոց ոտքերն շինուած են քարով և թաղերն` թրծեալ աղիւսով և կրաշաղախ ցեխով»:

Բարխուտարեանց Մ., Արցախ, Բագու, 1895, էջ 62:
Սամվել Կարապետյան, Արցախի կամուրջները, Երևան, 2009, էջ 26:

1975 — 1977 թթ․

1975-1977 թթ. ընթացքում իրականացված ուսումնասիրություններից երևում է, որ կամրջի 15 թռիչքներից ամենաերկարն ունեցել է 8,80 մ երկարություն, իսկ ամենակարճը` 5,80 մ:

Мамедзаде К., Строительное искусство Азербайджана, Баку, 1983, с. 46:
Սամվել Կարապետյան, Արցախի կամուրջները, Երևան, 2009, էջ 26:

Նկարագրություն
17 դ․

Կանգուն վիճակում է եւ առ այսօր իր նպատակին է ծառայում 15 թռիչքից բաղկացած եւ 150 մ երկարություն ունեցող այն կամուրջը, որը կառուցվել է XVII դարում եւ հետագա դարերում բազմիցս նորոգվել։ Կամրջի «... ոտերը շինուած են մանր քարերից եւ կանգնած են վիթխարի քարուածքի վրայ, իսկ կամարները շինուած են թրձած աղիւսից»։

Ք. Օհանեան, Շուշաց-Թաւրիզ (ճանապարհորդական նկատողութիւններ), «Մուրճ», 1903, N 1, էջ 62։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 242:

Տեսակը Լուսանկար
Տեսքը տիեզերքից
Հեղինակը http://earth.google.com
Աղբյուրը Գունավոր նեգատիվ

Քարավազի բազմաթռիչք նոր կամրջի տեսքը տիեզերքից

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ

Տեսակը Լուսանկար
Հեղինակը Զավեն Սարգսյան
Աղբյուրը Գունավոր նեգատիվ

Տեսակը Լուսանկար
Տեսքը արտաքին
Հեղինակը Ֆիլիպ Զալյան
Աղբյուրը Գունավոր նեգատիվ

Տեսակը Չափագրություն
Տեսքը արտաքին
Հեղինակը Արտատպություն
Աղբյուրը Գծագիր

Հրատարակության պատրաստումը` Աշոտ Հակոբյանի