Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 16 — 17 դդ․

Ադրբեջան / Հյուսիսային Արցախ / Գետաբեկ / Փոլադլու

Տեղադրություն
16 դ․

Գյուղի արևելյան եզրին պահպանվել է կիսավեր եկեղեցի, որն իր ճարտարապետական առանձնահատկություններով բնորոշ է ԺԶ-ԺԷ դդ.:

Սամվել Կարապետյան, Հյուսիսային Արցախ, Երեւան, 2004, էջ 130:

Ճարտարապետություն

Ունի միանավ բազիլիկ հորինվածք: Կիսակլոր խորանի հյուսիսային և հարավային կողմերից կից են ուղղանկյուն հատակագծով թաղակապ ավանդատներ: Վերջիններս իրենց ծավալներով դուրս են աղոթասրահի բուն մակերեսից, սակայն կառուցվել են եկեղեցու հետ: Արտաքին չափերն են՝ 13,20 x 5,65 մ, արևելյան պատն ավանդատների հետ՝ 9,65 մ: Եկեղեցու մուտքերը երկուսն են՝ հարավից և արևմուտքից: Հարավային ավանդատունը եկեղեցու հետ հաղորդակցվում է խորանի մեջ բացված նեղ ու երկար մուտքով: Հյուսիսային ավանդատան մուտքը բացվում է անմիջապես աղոթասրահի մեջ: Նեղ ու դեպի ներս (լայնացող) պահպանված լուսամուտները երեքն են՝ բոլորն էլ բացված արևելյան ճակատից: Կառուցված է անմշակ ու կոպտատաշ քարով, կրաշաղախով: Անկյունաքարերի մի մասը սրբատաշ է: Պատերը պահպանվել են 1,5-2 մ բարձրությամբ: Ամբողջովին քանդված են եկեղեցու տանիքը և թաղը, ավանդատների երեսպատման քարերը, մուտքերի անկյունաքարերը: Շարվածքում կան խաչապատկերներ կրող քարաբեկորներ:

Սամվել Կարապետյան, Հյուսիսային Արցախ, Երեւան, 2004, էջ 131-132:

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Տեսակը Չափագրություն
Տեսքը արտաքին
Հեղինակը Սամվել Կարապետյան
Աղբյուրը Գծագիր

Հատակագիծ