Քարատակ Գյուղատեղի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Քարատակ Գյուղատեղի

Ադրբեջան / Հյուսիսային Արցախ / Դաշկեսան / Գետիշեն

Տեղադրություն

Գտնվում է Գետիշենից 3 կմ հարավ-արևմուտք, Հարցհանգիստ գետի ձախ կողմի հարավահայաց ձորալանջին: Թուրքերը թարգմանաբար անվանում էին՝ Դաշալթի:

Սամվել Կարապետյան, Հյուսիսային Արցախ, Երեւան, 2004, էջ 207:

Պատմություն
18 դ․

Գետիշենում գրիչ Սարգիս երեցի ստեղծած երկու ձեռագիր «Ժողովածուներում» Քարատակը հիշվում է ԺԸ դարի առաջին կեսին: Ձեռագրերից մեկը (ստացող՝ Մխիթար Աղճաղալեցի) գրվել է 1717 թթ, մյուսը՝ 1721 թթ. (ստացող՝ Առաքել Դանձուտցի):

«Ցուցակ Ձեռագրաց», հ. Ա, էջ 586, ձեռ. N 1574:
«Ցուցակ Ձեռագրաց», հ. Բ, էջ 440, ձեռ. N 7008:
Սամվել Կարապետյան, Հյուսիսային Արցախ, Երևան, 2004, էջ 207:

18 դ․

Հայտնի է, որ ԺԸ դարից Քարատակը պատկանել է Բարսումի Մելիք-Առուստամյանցներին: ԺԹ դարավերջին գյուղն արդեն գտնվում էր ոչ միայն Մելիք-Առուստամյանցների, այլև Մաթևոս Վիրաբյանցի, Կարապետ Թայիրյանցի, Հարություն Ավագյանցի, Պետրոս Ջիլջանյանցի իրավասության ներքո: