Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի

Ադրբեջան / Հյուսիսային Արցախ / Դաշկեսան / Թափան

Տեղադրություն

Գտնվում է Թափան և Հացտափ գյուղերի միջև՝ «Փիրին-գլըջա» տեղամասում՝ անտառի մեջ:

Սամվել Կարապետյան, Հյուսիսային Արցախ, Երեւան, 2004, էջ 211:

Ճարտարապետություն
1986 թ․

1986 թ. դրությամբ կանգուն էր միանավ հորինվածքով, թաղածածկ եկեղեցին: Հիմնականում կառուցված է անմշակ քարով, կրաշաղախով: Անկյունաքարերի մեծ մասը կոփածո, մինչև իսկ սրբատաշ են: Արտաքին չափերն են՝ 7,50 x 4,78 մ: Մուտքը հարավային պատի արևմտյան անկյան մոտից է: Լուսավորությունն իրականացվել է արևելյան և արևմտյան ճակատներից բացված մեկական նեղ, դեպի ներս լայնացող փոքր պատուհաններից:
Եկեղեցին զուրկ է դեկորատիվ հարդարանքից: Երեսապատերի պահպանված քարերին արձանագրություններ չկան, սակայն չենք կարող պնդել, թե այդպիսիք չեն էլ եղել, քանի որ հատկապես մուտքի բարավորը, որն ակնհայտորեն ամբողջապես միտումնավոր ավերված է, մեծ հավանականությամբ, կարող էր արձանագրված լինել:
Միանգամայն անվնաս է արևմտյան ճակատը: Արևելյան պատն արտաքուստ թաղված է հողի մեջ: Հյուսիսային և հարավային ճակատներում երեսապատի քարերը մեծ մասամբ թափված են: Նկատելի են նաև միտումնավոր ավերումների՝ գանձախույզների գործունեության հետքեր:

Սամվել Կարապետյան, Հյուսիսային Արցախ, Երեւան, 2004, էջ 211:

Պատմություն
1986 թ․

1986 թ. եկեղեցին խիստ անմխիթար վիճակում էր. քայքայված էր փլուզվելու աստիճան, շարվածքի շատ քարեր թափված էին, պատերի մեջ, տանիքին աճած բուսականությունն ու ծառերն էլ իրենց հերթին «նպաստում էին» կառույցի ավերմանը:

Սամվել Կարապետյան, Հյուսիսային Արցախ, Երեւան, 2004, էջ 212:

Տեսակը Չափագրություն
Հեղինակը Սամվել Կարապետյան
Աղբյուրը Գծագիր

Հատակագիծ