Մկնատամի խաչ Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Մկնատամի խաչ Եկեղեցի 12 — 13 դդ․

ԼՂՀ / Քաշաթաղ / Ղուշչի

Տեղադրություն

Ղուշչի գյուղից 1 կմ հարավ-արեւելք, Աղավնագետի աջակողմյան վտակ Սթունիսի ձախ ափին վեր խոյացած քարաժայռի գագաթին պահպանվում է ժողովրդական ավանդությամբ «Մկնատամի խաչ» անվամբ հայտնի փոքրիկ եկեղեցին:

«Մկնատամ» անունով սրբատեղի կար նաեւ Շատախի Թաղ զյուղից հյուսիս– արեւելք։ Այն շրջակա հայերից ու քրդերից պաշտվել է որպես կոծոծ (մկնատամ) հիվանդության բուժիչ («Ազգագրական Հանդէս», (գիրք XXVI, Թիֆլիս, 1916, էջ 200)։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 138:

Ճարտարապետություն
12 — 13 դդ․

Վերջինս համակ սրբատաշ քարով կառուցված, XII–XIII դարերին բնորոշ ճարտարապետական ու հորինվածքային դասական առանձնահատկություններով, միանավ, թաղածածկ շինություն է (ավելի շուտ մատուռ, քան եկեղեցի): Ճարտարապետական հարդարանքի տեսակետից աչքի է ընկնում արեւմուտքից բացված միակ մուտքի շրջանակը եւ լուսամուտի պսակը: Տանիքը պատած է կիսաբոլորակ ծածկասալերով: Նյութը կապտավուն բազալտն է: Արտաքին չափերն են 4,30 x 3,15 մ: Որմերի պահպանված հատվածներն անարձանագիր են:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 138-139:

Տեսակը Լուսանկար
Ուղղությունը ⇐ Արևմուտքից
Հեղինակը Սամվել Կարապետյան
Տարեթիվ 1994 թ․

Տեսակը Լուսանկար
Ուղղությունը ⇖ Հյուսիս-արևմուտքից
Հեղինակը Սամվել Կարապետյան
Տարեթիվ 1994 թ․