Եկեղեցի :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 10 — 11 դդ․

Ադրբեջան / Հյուսիսային Արցախ / Թոուզ / Աղաջ-Ղալա

Ճարտարապետություն

Անմշակ ու կոպտատաշ քարով (անկյունաքարերի մեծ մասը սրբատաշ են), կրաշաղախով կառուցված եկեղեցին ունի միանավ բազիլիկ թաղակապ հորինվածք: Արտաքին չափերն են՝ 9,3 x 7 մ: Երկթեք ծածկի տակ առնված տանիքը ներքուստ պահում է մեկ զույգ որմնասյուներին հենված թաղակիր կամարը: Արևելյան կողմում՝ ավագ խորանից աջ և ձախ, կան մեկական թաղակապ կրկնահարկ ավանդատներ, որոնք ևս ունեն կիսաշրջանաձև խորաններ: Խորանի և ավանդատների որմերին զետեղված են փոքր խորշ-խորհրդանոցներ: Լուսավորությունն իրականացված է 4 ճակատներից բացված նեղ, դեպի ներս լայնացող լուսամուտների միջոցով: Մուտքը բացված է արևմուտքից: Եկեղեցու պատերի մեջ ներքուստ և արտաքուստ ագուցված են պարզ ու հնաոճ, անարձանագիր խաչքարեր և խաչազարդ բեկորներ:

Սամվել Կարապետյան, Հյուսիսային Արցախ, Երեւան, 2004, էջ 281:

Պատմություն
10 — 11 դդ․

Ըստ ճարտարապետական առանձնահատկությունների՝ եկեղեցին թվագրվում է Ժ-ԺԱ դդ.:

Սամվել Կարապետյան, Հյուսիսային Արցախ, Երեւան, 2004, էջ 281:

1980 թ․

Մեր այցելության ժամանակ (1980-ական թվականներին) քանդված էին եկեղեցու պատերի միջնամասերը, լուսամուտների հատվածները (հատկապես հարավից):