Գերեզմանոց :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գերեզմանոց 4 — 9 դդ․

ԼՂՀ / Աղդամ / Գյավուրղալա

Նկարագրություն

Եկեղեցու շուրջ տարածված է եղել հայոց գերեզմանոցը։ Այդտեղ, եկեղեցուց քիչ արեւմուտք, ի թիվս այլ շիրմաքարերի, հայտնաբերվել է նաեւ սպիտակ կրաքարից կերտված, երկթեք վերնամասով, երկու մասի բաժանված ու անթվակիր արձանագրությամբ մի տապանաքար։ Ինչպես պարզվում է քառատող տապանագրից, այն կերտվել է IX դարի 2-րդ կեսում սպանված Աղվանից Համամ թագավորի եղբոր հիշատակին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 228:

Պատմություն

Հայկական գերեզմանոցը թվագրվում է IV–IX դարերով:

Р. Б. Геюшев, Христианство в Кавказской Албании , Էջ 60։ Խոսքը այն գերեզմանոցի մասին Է, որտեղ հայտնաբերվել են խազարներին վերագրվող մարդակերպ կոթող-գերեզմանաքարեր։ Դրանց մեծ մասը պեղումներից հետո փոխադրվել Է Աղդամի բացօթյա թանգարան-քարեդարան։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 228: