Երկթեք տապանաքար :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Երկթեք տապանաքար 9 դ․

ԼՂՀ / Աղդամ / Գյավուրղալա

Նկարագրություն
9 դ․

Գերեզմանոցում, եկեղեցուց քիչ արեւմուտք, ի թիվս այլ շիրմաքարերի, հայտնաբերվել է նաեւ սպիտակ կրաքարից կերտված, երկթեք վերնամասով, երկու մասի բաժանված ու անթվակիր արձանագրությամբ մի տապանաքար։ Ինչպես պարզվում է քառատող տապանագրից, այն կերտվել է IX դարի 2-րդ կեսում սպանված Աղվանից Համամ թագավորի եղբոր հիշատակին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 228:

Տապանաքարը, որի արձանագրությունը տարբեր աշխատություններում հրատարակվել է նաեւ հետագա տարիներին, հայտնաբերումից հետո փոխադրվել է Բաքու։

«Դիվան հայ վիմագրության», պրակ 5, Երեւան, 1982, Էջ 136։
Р. Б. Геюшев, Христианство в Кавказской Албании, Էջ 85։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 228:

Արձանագրություն, Հայերեն, Փորագիր, Հիշատակագրություն

ԱՅՍ ԴԻՐ ԴԱՄԲԱՆԻ ... ԵՂԲԱՒՐ ՀԱՄԱՄ ԻՇԽԱՆԻ | ԵՒ Տ(ԵԱՌ)Ն ՓՂԻՊԷԻ ԵՒ Տ(ԵԱՌ)Ն ՍՆՊԱՏԱ...ԶՐԿ|ԵԱԼ Ի ՃՈՐՏ ՀԱՍԱԿԷ ԵԼԱ ՅԱՇԽԱՐՀԷՍ. ԴԱՌՆ ԹՈՂԻ ՍՈՒԳ ԶԳԻՐՍ ԶԱՅՍ ՄԻ ՈՔ ԻՇԽԵՍՑԷ ՄԵՐՁԵՆԱԼ Ի ՍՄԱ ՆԶՈՎԵԱԼ ԵՂԻՑԻ Ի Ք(ՐԻՍՏՈՍ)Է Ա(ՍՏՈՒԾՈ)Յ:

Ս. Բարխուդարյան, Տապանագիր Համամ իշխանի անունով, «Տեղեկագիր ԳԱ». 1964, N I, Էջ 61-64։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 228: