Գերեզմանոց :: ԱՐՑԱԽԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գերեզմանոց

ԼՂՀ / Աղդամ / Գյուլաբլի

Նկարագրություն
19 դ․

Գյուլաբլու գյուղի մերձակայքում պահպանվել են մեծաթիվ հնագիտական հուշարձաններ։ Դեռեւս XIX դարի վերջերին դրանց վրա իր ուշադրությունն է բեւեռել գերմանացի հնագետ է. Ռյոսլերը. «Գյուլաբլու գյուղի մերձակայքում ես հանդիպեցի 3 տեսակ թաղումների. 1) քարարկղային թաղումներ, 2) վերեւից սալաքարով ծածկված հողափոր թաղումներ եւ 3) դամբարանաբլուրներ։ Հետազոտվեցին առաջին տեսակից ընդամենը 36 գերեզման, երկրորդից՝ 5, իսկ երրորդից՝ 3 դամբարանաբլուր։ Քարարկղային թաղումները գտնվում էին լեռան ստորոտում, տեղի գյուղացիներին «գյավուր-կաբրի» անվամբ հայտնի հին գերեզմանոցում...»։

Эмиль Реслер, Археологическая изыскания в Закавказье, "Кавказ", 1903 г. N 134, Էջ 2։ Ի դեպ, թուրքերից Գյավուր-գաբրի հորջորջված անվան բառացի թարգմանությունն է անհավատների, իմա՝ քրիստոնյաների հայոց գերեզմանոց։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 229: